Foto: Oqý-aǵartý mınıstrligi
Oqý-aǵartý mınıstrligi 2025 jyldyń sońyna deıin 460 myń oryndyq 217 jaıly mektep salýdy mejelegen. Byltyr osy sanattaǵy 105 bilim uıasy paıdalanýǵa berilgen. Bıyl 112 jaılyq mektep esigin aıqara ashpaq.
Jaıly mektepterdiń kólemi tıptik mektepterge qaraǵanda 15-20%-ǵa keń, tehnıkalyq jaraqtanýy da 4 ese artyq bolady. Mektepterde robototehnıka kabınetteri, STEM-zerthanalar, horeografııa zaldary, kovorkıng aımaqtary, 3-4 sport zal qarastyrylǵan. Alǵashqy áskerı daıyndyq úshin arnaıy ashyq alańdar jabdyqtalady.
Sondaı-aq, bastaýysh jáne joǵary synyp oqýshylary bólek bloktarda bilim alady.
«Jaıly mektepterde ınklıýzııalyq bilim berýge erekshe kóńil bólinip jatyr. Erekshe bilim berý qajettilikteri bar balalar úshin jeke sanıtarlyq bólmelerimen keń kabınetter qarastyrylǵan. Sonymen qatar mektepterde jedelsaty, pandýstar, arnaıy belgiler, psıholog, logoped jáne defektolog kabınetteri bar. Jaıly mekteptiń ereksheligi sonda, ár bloktan oqýshylar men pedagogter úshin demalys aımaqtary jasaqtalǵan», dedi Oqý-aǵartý mınıstrliginiń ınfraqurylymdy damytý departamentiniń basqarma basshysy Jaıyq Maqsutov.
Aıta keteıik, «jaıly mektepter» zamanaýı beınebaqylaý jáne mektepke kirip-shyqqandardy qadaǵalaý júıesimen qamtamasyz etiledi.
