Foto: gov.kz
Kelisim Kongo respýblıkasyna Jerdi qashyqtan zondtaý spýtnıkteriniń halyqaralyq tobyna qosylýǵa múmkindik beredi. Bul topta qazir Mońǵolııa bar. Toptaǵy memleketter derekter, monıtorıng jáne analıtıka salasyndaǵy ozyq jobalaryn ózara bólise alady.
«Spýtnıktik platformadan bólek, Qazaqstan oqytý men tájirıbe almasýdy qamtıtyn keshendi sheshim usynady. Qazaqstan tehnologııalyq ázirlemelerdiń ortalyǵy retinde óz pozısııasyn arttyryp keledi. Osy oraıda halyqaralyq áriptester bizdiń sheshimimizge senim artady. Bul – otandyq ǵarysh ındýstrııasynyń joǵary deńgeıin rastaıtyn ekinshi tabysty eksporttyq joba», dedi vedomstvo basshysy Jaslan Mádıev.
Bul kelisim Qazaqstan men Kongo Respýblıkasy arasynda ǵarysh salasyndaǵy strategııalyq áriptestikti nyǵaıtyp, ekijaqty ózara is-qımyldy keńeıtýge jáne jańa tehnologııalyq bastamalardy damytýǵa yqpal etpek.
