Foto: Ashyq derekkóz
«Osy bastamalar (salyq reformasy — red.) aıasynda kóptegen sarapshylar paıda boldy, ártúrli málimdemeler jasaldy. Mysaly, keshe, qatelespesem, Qostanaı nemese ShQO-daǵy úı janyndaǵy dúken ıeleri óz pikirlerin bildirdi. Olar óńirlik kásipkerler palatasymen kezdesip, QQS (Qosylǵan qun salyǵy) olardyń sońǵy nanyn tartyp alady dep alańdaýshylyq bildirdi», dedi Serik Jumanǵarın.
Mınıstr qosylǵan qun salyǵynyń ósýi bólshek saýdamen aınalysatyndarǵa áser etpeıtindigin atap ótti.
«Biz árdaıym halyqpen jumys isteıtinderdiń — bólshek saýda ókilderiniń, ıaǵnı úı janyndaǵy dúkenderdiń, dúńgirshekterdiń, shaǵyn dúkenderdiń, meıramhanalar men shashtarazdardyń bul reformadan eshqandaı zardap shekpeıtinin málimdep kelemiz. Olar buryn qalaı bólshek rejımde jumys istep, jyldyq jıyntyq tabysy 2,4 mlrd teńge sheginde 4% salyq tólep kelse, solaı tóleı beredi. Olar úshin eshteńe ózgermeıdi. Bul reforma bıznestiń keı salasyna ǵana qatysty. Halyqpen jumys istep, bazarda saýda jasaıtyndar, otbasyn asyrap otyrǵandar úshin eshqandaı ózgeris bolmaıdy», dedi Serik Jumanǵarın.
