Sýretti túsirgen – avtor
Áýelde atalǵan óndiris oshaǵynda sý men jylý qubyry ǵana shyǵarylady dep josparlanǵan. Alaıda alǵashqy qadamdar sátti bolǵan soń ba, basshylyq ónim túrin kóbeıtýdi kózdegen. Sóıtip, qosymsha sehta elektr energııasynyń kabeldik júıesin qorǵaýǵa baǵyttalǵan úsh qabatty qubyrlar óndirile bastady. Sehtyń ishi tap-taza. Ár jumysshy ózine júktelgen apparattyń qulaǵynda tur. Biri túıirshikti shıkizatty qurylǵyǵa qaraı ótkizse, endi biri qyzyldy-jasyldy túımelerdi basyp, áldeneni rettep otyr. Eń sońyndaǵy jumysshylar qubyrdyń dıametrin ólshep, tysqa jóneltedi. Syrt jaqta qaz-qatar jınalǵan qubyrlarda qısap joq. Erteń-aq satylyp ketedi deıdi mamandar.
– Dıametri 400 mıllımetrge deıin jetetin qubyrlar jasaımyz. Táýligine shamamen 3,5 myń metr sý qubyryn óndirýge qaýqarymyz jetedi. Energetıka salasyna qajetti qubyrlarymyzdyń basty artyqshylyǵy – olar otqa jáne soqqyǵa tózimdi materıaldardan jasalady. Iаǵnı mundaı qubyr janbaıdy, synbaıdy. Polıetılen qubyrdyń syrtqy qabaty túrli fızıkalyq áserge, joǵary qysymǵa tótep beretindeı etip jasalǵan. Jalpy, kúnine osyndaı qubyrdyń 1 100 metrin shyǵara alamyz, – deıdi kásiporyn bas dırektorynyń orynbasary Tursynbek Musahanov.
Zaýyt Shyǵys Qazaqstandy ǵana emes, Abaı oblysy, Taldyqorǵan, Pavlodar oblystaryna da ónimderin jetkizedi. О́ndiriste zamanaýı tehnologııalar ǵana qoldanylatyndyqtan, ónim sapasy da joǵary. Qazir Shyǵysta bul baǵytta jumys istep jatqan mundaı kásiporyn joqtyń qasy. Tipti respýblıkada polıetılen qubyrlaryn shyǵaratyn zaýyt saýsaqpen sanarlyq.
Jańa kásiporynnan jylyna shamamen 3 600 tonna ónim shyǵarylady. Bolashaqta bul kórsetkishti bes myńǵa jetkizý josparlanǵan.
– Oblysymyzdy qubyr júıesimen tolyqtaı qamtýǵa shamamyz jetedi. Aldaǵy ýaqytta respýblıkamyzdyń ózge óńirlerine de shyǵýdy oılastyramyz. Ol úshin óndiris kólemin ulǵaıtý qajet. Keleshekte qosymsha seh ashyp, jumysshy sanyn arttyramyz, – deıdi Tursynbek Musaqanov.
Qazir polıetılen qubyr zaýytynda 25 adam jumyspen qamtylǵan. Olardyń birazy – arnaıy oqýdan ótip, qubyr jasaýdyń qyr-syryn meńgergen mamandar. Suranysqa qaraı qubyr kóleminiń túr-túrin ázirleıdi. Qazir shyǵyp jatqan energetıkalyq qubyrdyń beriktigi sondaı, ekskavatordyń kúregi tıip ketse de búlinbeıdi eken. Ishki qabaty órtke qarsy. Sondaı-aq gaz ben sý júıesi úshin jasalyp jatqan qubyrlar da óte berik. Soǵan qaramastan el boıynsha naryqtaǵy baǵany tómen ustap otyr. Baǵa demekshi, zaýyt tolyq ınvestısııalyq negizde ashyldy. Kásipker azamattar qalanyń qıyr shetinde turǵan bos ǵımarattardy satyp alyp, zaýytqa aınaldyrǵan.
– Úsh aýysymmen jumys isteımiz. Sehta tynym joq. Suranys artyp jatsa, bul aýmaqqa taǵy zaýyt salamyz, – deıdi Tursynbek Musaqanov.
Shyǵys Qazaqstan oblysy
