Foto: Salı Sabırov
Búgin jarys jolyna shyqqan short-trekshilerimiz ár qashyqtyqta shırek, jartylaı fınaldarǵa ótse, shaıbaly hokkeıden el quramasy Taıbeıdi oısyrata utty. 17: 0 esebimen jeńis upaıy bizdiń jigitterdiń paıdasyna jazyldy.
Sportty damytý dıreksııasynyń habarlaýynsha, alǵash bolyp short-trekshi Alına Ajǵalıeva 1500 metrge jarysýdan shırek fınalda baq synaǵan. Ol óz tobynda úshinshi oryn alyp, jartylaı fınalǵa joldama aldy. Alınanyń ýaqyt kórsetkishi - 2:31.43 sekýnd.
Otandasymyz Olga Tıhanova da Azııa oıyndaryn jeńispen bastady. 1500 metrge jarysýdan shırek fınalda óz tobynda birinshi oryn alyp, jartylaı fınalǵa shyqty. Aıta keteıik, Olga búgingi ashylý saltanatynda hokkeıshi Ádil Beketaevpen birge Qazaqstan týyn ustap shyǵady.
1500 qashyqta Madına Janbýsynovanyń da baǵy jandy. Jartylaı fınal jolynda 2:35.696 ýaqyt kórsetkishin tirkedi.
Osy qashyqtyqta Qazaqstan erler quramasy da jartylaı fınal joldamasynyn tys qalmady. Gleb Ivchenko 2:30.602 sekýnd ýaqyt kórsetkishimen, kelesi synda sheberligin kórsetýge múmkindik aldy.
Qurama kóshbasshylarynyń biri Denıs Nıkısha da 1500 metrge jarysýdan 2:16,863 sekýnd ýaqyt kórsetkishimen jartylaı fınalǵa ótti.
500 metrge jarysqan áıelder, erler quramasynyń da júldege qol sozý múmkindigi saqtyldy. Bul qashyqtyqta shırek fınal 8 aqpanǵa josparlanǵan.
1000 metrge jarysýdan Olga Tıhonova (1:40,731) men Malıka Ermek (1:35,228) endi shırek fınalda óner kórsetedi.
Osy qashyqtyqtar erler sapynan el namysyn qorǵaǵan Ádil Ǵalıahmetov (1:29,468), Aıbek Násen (1:32,155) men Gleb Ivchenko (1:40,338) irikteý kezeńinde sátti óner kórsetip, shırek fınalǵa ótti.
