Jıynda Májilis depýtaty Juldyz Súleımenova, «Bilim-Innovasııa» halyqaralyq qoǵamdyq qorynyń vıse-prezıdenti Erjan Áýbákirov jáne Atyraý oblysynyń prokýrory Baýyrjan Jumaqanov pen psıhologtar men salaǵa qatysty mamandar boldy.
Forým barysynda qatysýshylar qazirgi qoǵamda ózekti bolyp otyrǵan máselelerge toqtalyp, olardy sheshý úshin bilim men tárbıeniń rólin erekshe atap ótti.
Májilis depýtaty Juldyz Súleımenova qoǵamǵa qaýip tóndiretin ózekti máselelerge toqtalyp, olardy boldyrmaý jáne aldyn alý sharalary jóninde pikir bildirdi.
– Prezıdent Qasym-Jomart Toqaev atap ótken «bes kesel» – nashaqorlyq, lýdomanııa, turmystyq zorlyq-zombylyq, vandalızm jáne ysyrapshyldyq – qazirgi qoǵamnyń eń úlken synaqtarynyń biri. Bul máselelerdi sheshý úshin quqyqtyq tetikterimen qatar, otbasy ınstıtýtynyń rólin kúsheıtý, balalardyń sıfrlyq saýattylyǵyn arttyrý jáne jalpy qoǵamnyń jaýapkershiligin nyǵaıtý mańyzdy. Jastardyń sanasyna salaýatty ómir saltyn, rýhanı qundylyqtardy jáne parasattylyq qaǵıdattaryn sińirý arqyly ǵana biz bul qaýipterdiń aldyn ala alamyz, – dedi depýtat.
Ol sondaı-aq, qabyldanǵan zańdardyń tıimdi júzege asyrylýy úshin barlyq múddeli taraptardyń birlesken jumysy qajet ekenin atap ótti.
Forým barysynda «Bilim-Innovasııa» halyqaralyq qoǵamdyq qorynyń vıse-prezıdenti Erjan Áýbákirov osyndaı jıyndardyń mańyzdylyǵyna toqtalyp, bilim berý salasyndaǵy jetistikter men urpaqty tárbıeleý jolynda kezdesetin teris ádetter men zııandy zattardyń aldyn alý máselesin kóterdi.
Jalpy forýmnyń negizgi maqsaty – qoǵamda mańyzdy oryn alatyn osy bes keseldiń aldyn alý jáne olarmen kúresý joldaryn qarastyrý. Sonymen qatar sıfrlyq tehnologııalardy paıdalaný arqyly jastardyń sanasyn jańǵyrtý men adal azamattyq ustanymyn qalyptastyrý da forýmnyń basty mindetteriniń biri. Bul jıyn bilim berý mekemelerindegi tárbıe jumysyn jaqsartýǵa, sıfrlyq álemde azamattyq jaýapkershilikti arttyrýǵa jáne jastardy zııandy ádetterden saqtaýǵa yqpal etetin mańyzdy sheshimder qabyldaýǵa múmkindik beredi.
Erjan Áýbákirovtiń aıtýynsha, jas urpaqty zııandy áreketterden qorǵaý úshin otbasy men mektep arasyndaǵy yntymaqtastyqty nyǵaıtyp, sanaly azamat tárbıeleýge basymdyq berý mańyzdy.
Jıyn Atyraý oblysynyń Bilim berý basqarmasy, Atyraý qalasyndaǵy «Bilim-Innovasııa» lıseıleri jáne «SilkWay mektep-lıseıi» JShS birlesip uıymdastyryldy.
