Foto: Polisia.kz
Tanymal messendjerler men áleýmettik jelilerdiń arnalaryn qoldana otyryp, ınternet-dúken arqyly veıpterdi satýdy júzege asyrdy degen kúdikpen 20 jastaǵy jigit polısııaǵa jetkizilgen.
«Qazirgi ýaqytta temeki shekpeıtin temeki ónimderiniń, elektrondyq tutyný júıeleriniń (veıpterdiń), hosh ıistendirgishter men suıyqtyqtardyń aınalymy faktisi boıynsha qylmystyq is qozǵaldy», dedi Pavlodar oblysynyń polısııa departamenti.
Polisia.kz málimetinshe tárkilengen 2500-ge jýyq veıptiń quny 18 mln teńgeni quraıdy.
Eske salaıyq, 2024 jylǵy 20 maýsymnan bastap Qazaqstanda nıkotındi (veıpterdi) jáne olarǵa arnalǵan suıyqtyqtardy tutynýdyń elektrondyq júıeleriniń aınalymyna tyıym salatyn zań kúshine endi.
