Foto: Oqý-aǵartý mınıstrligi
Festıvalde Oqý-aǵartý mınıstri tehnıkalyq jáne kásiptik bilim berý júıesin transformasııalaýdyń mańyzdylyǵyn atap ótti.
«Jumysshy mamandyqtar jylynda iske asyrylatyn negizgi is-sharalardyń biri elimizdiń 10 kolledjin ınternasıonaldandyrý bolmaq. Negizgi maqsat — olardyń jahandyq deńgeıde básekege qabilettiligin arttyrý jáne bilim berý baǵdarlamalaryn halyqaralyq standarttarǵa sáıkestendirý. Atom energetıkasy boıynsha mamandardy daıarlaýda Vengrııanyń tájirıbesin engizý, sondaı-aq Qytaıdyń IT, dron qurastyrý jáne mashına jasaý salasyndaǵy tájirıbesin qoldaný josparlanýda», dedi Ǵanı Beısembaev.
Sonymen qatar, Astanada tehnıkalyq jáne kásiptik bilim berý uıymdarynyń stýdentterin qoldaý jáne damytý maqsatynda Ulttyq quzyrettilik ortalyǵy qurylady. Sondaı-aq osy kúzde Aqtaýda TurkicSkills — túrkitildes elder arasynda I-shi kásibı sheberlik chempıonaty ótedi.
Esterińizge sala keteıik, Memleket basshysy jarııalaǵan Jumysshy mamandyqtarynyń jyly aıasynda Astanada tehnıkalyq jáne kásiptik bilim berý salasyndaǵy eń aýqymdy is-shara — «Jumysshy mamandyqtar qalasy» festıvali ashyldy. Birneshe kún boıy qala aýmaǵynda túrli semınarlar men master-klasstar, munaı jáne energetıka ónerkásibi taqyryptary boıynsha hakaton, mamandyqtar sherýi, bos oryndar jármeńkesi, startaptardyń tusaýkeserleri, konsertter men trenıngter ótedi.
