ÁLEM ChEMPIONY — ITALIIа FRANSIIаNYŃ SOŃYNAN ILESTI

...Bul kúni bul elde jylamaǵan adam joq shy­ǵar-aý. О́ıtkeni, ıtalııalyqtar óte qyzý­qandy halyq. Qýanyshyna teris kelse, mem­lekettiń saıasatyna qaraı bermeıdi. 1980 jyl­ǵy Máskeý olımpıadasyna kapıtalıstik elder­diń boıkot jarııalaǵanyna qaramastan, Pat­rısa Olıva qashyp kelip, bizdiń Serik Qonaq­baevqa tıesili tájdi eline alyp ketkende áýe­jaı basyna adam syımaı qalypty deıdi. Pat­rı­sa qasqany búkil qalalarynda kortejben alyp júrip, ulan-asyr toı jasaǵanyn baspasóz ar­qyly bilgen edik. Olıvanyń jeńisin búkil­halyqtyq toıǵa aınaldyrǵan edi ıtalııalyqtar. Sóıtken halyq súıikti qura­ma­synyń, álem chempıony ata­ǵy­n­yń ystyq-sýyǵy basyla qoı­maǵan quramasynyń alǵashqy syn­da jer qapqanyn keshirer me eken?! Dzambrotta jylasa da. Kári kókjal Kannovaro eki etegi jasqa tolyp eńirese de. Gattýzo men De Rossı qolyn júregine qoıyp keshirim surasa da. Áı, qaıdam... Italııa quramasy Slovakııa quramasynan 2:3 esebimen je­ńil­di. Vıtek – 25 jáne 73, Dı Na­ta­le – 81, Kopýnek – 89, Kva­lıarella 90+2mınýttarda gol soqty. 2006 jyly álem chempıony ataǵyn jeńip alǵan Italııa quramasynda 1974 jyldan beri pleı-off synynan ótpeı qalý degen bolmaǵan. Sondyqtan, ıtalııalyqtardyń jeńetinine eshkimniń shúbási joq edi. Qur attaı sydyrtyp kelesi kezeńde Gollandııaǵa qarsy oınaıdy, ony da jolda qaldyrady deskender bolǵan. О́ıtkeni, ádette ıtalııalyq fýtbol­shylar chempıonatty súreńsizdeý bastap, ýaqyt óte kele qyzatyn. Bul joly Italııa bilgeninen jańyldy. Al, slovaktardyń jaǵdaıy sol mezgilde qatar oınaǵan Paragvaı – Jańa Zelandııa oıynyna baılanysty edi. Toptan buzyp-jaryp shyǵý ıtalııalyqtar qaqpasyna kóbirek gol soǵýǵa mindetteıtin. Birinshi taımnyń alǵashqy mınýttarynyń birinde Slovakııa qaqpashysy Mýkanyń tusynan ysqyryp ótken doptan keıin jankúıerler ıtalııalyqtar qarsylastaryn taqymǵa basyp áketerdeı kórgen. Biraq, birinshi taımda olar budan ózge qaýipti sát týǵyza alǵan joq. Esesine Markettı qaqpasy­nyń aldynda ala shań kóterilip jatty. Sondaı qaýipti kezeńder­diń birinde Gattýzo orny tolmas­taı qatelik jiberdi. Ol syrtqa tepken dop Vıtektiń aıaǵyna tıdi. Qudaı qaı tustan nesibe beredi dep qaqpa ma­ńyn torýyldap júrgen oǵlan aıyp alańynan qaq­panyń sol jaq buryshyn shorshytyp túsirdi... Jýrnalısterge bergen suhbatynda Italııa qu­ramasynyń endi burynǵy bas bapkeri Mar­chello Lıppı ózin kinálady: “Men bar jaýap­kershilikti óz moınyma alamyn. Eger oıyn­shy­lar osyndaı jaýapty kezdesýge júrekteri sý­yl­dap, tizeleri dirildep shyǵatyn bolsa, bap­ker­diń olardy durys daıyndaı almaǵany ǵoı. Iаǵnı, bárine men kinálimin”, dedi M.Lıppı. Bulaısha aǵynan jarylýdyń ózi úzdik quramanyń qan sorǵalaǵan jarasyn jalap jaza almaıtyndyǵy anyq. Sóıtip, elderine basy salbyrap qaıtqan fransýzdardyń sońynan ıtalııalyqtar ilesti. Al, Paragvaıǵa Jańa Zelandııamen jan qınamaı teń oınasa da kelesi kezeńge ótýge jet­kilikti edi. Solaı boldy. “Ǵ” tobynda pleı-of­fqa Paragvaı men Slovakııa quramalary ótti. “E” tobynda gollandııalyqtar kelesi ke­zeń­ge bıletti kúni buryn alyp qoıǵandyqtan Ka­­merýnmen oıyn asa mańyzdy emes edi. Solaı bo­la tura kezdesý 2:1 esebimen golla­n­dııa­lyq­tardyń paıdasyna sheshildi. Van Persıdiń 36-mınýtta soqqan golyna qurlyqtaǵy úzdik sha­bý­­yl­shylardyń biri Eto’O 65 mınýtta jaýap bergen. Beıbit tarqaıdy dep kútilgen oıyndy Hıýn­teler gollandııalyqtardyń paıdasyna sheshti. Japondar men danııalyqtardyń jeńgeni ke­lesi kezeńge ótýi tıis bolatyn. Japondardyń aıy ońynan týyp tur eken. Eýropanyń quramasy oń-solyn bajaılap, olpy-solpy tustaryn jón­deımin dep júrgende, almas qylyshtaı jar­qyl­daǵan japondar olardyń qorǵanysyn setinetip jiberdi. Honda, Endo jáne Okadzakı soqqan golǵa Tomasson bir golmen ǵana jaýap bere aldy. Osylaısha japondar da ketip bara jatqan poı­yz­dyń sońǵy vagonynyń úzeńgiligine aıaq saldy. Baqtııar TAIJAN.