Sýret: 24.kz
Qudyq qazý jumysy byltyr jeltoqsan aıynda bastalǵan. Ony merdiger uıym úsh aptada aıaqtap, buryn ózen sýyn iship kelgen Mazakı turǵyndaryn bir jarylqady.
– Qatarymyzda myńnan asa oblys jastary bar. Bastapqyda bul jobany iske asyrý múmkin emesteı kóringen. Qazaqta «nartáýekel!» degen ataly sóz bar. Aldymen qajetti qujattardy ázirlep, jan-jaqtan qarajat jınaı bastadyq. Qazan aıynda bir merdiger kompanııamen kelisip, aqysyn tóledik. Jumys tórt aıda sátti aıaqtalǵan soń, qaıyrymdylyqta shekara joq ekenin taǵy bir márte uǵyndyq, – dedi «Jastar Semeı» qoǵamdyq qorynyń dırektory Jánibek Qabdýllın.
Mundaı ıgi iste atyraýlyq jastar da boı kórsetti. Atyraý oblysy Maqat aýdanynyń jigitteri Kamerýn memleketine qarasty aýyldaǵy qudyq qurylysynyń aqysyn tólep berdi. Otandyq kásipker Eldos Aıbekov te Afrıka qurlyǵyndaǵy tirshilik nárine muqtaj jandarǵa járdemdesken. Qudyq Ýganda memleketindegi Nanoko eldi mekeninde ornalasqan.
«Afrıkanyń aýyzsýdy qajet etken aýmaqtaryn uzaq zerdeledim. Árıne, qudyq qazý úshin jergilikti ókildermen de kelisý qajet. Oılana kele Ýganda jáne Kenııadan salýdy josparladyq. Eki eldiń áleýmettik ahýalyn nazarǵa aldyq. Salystyrsaq, Ýgandanyń jalpy ishki ónimi Kenııadan úsh ese tómen. Sonymen, kóppen birge osy memlekettiń halqyna qudyq qazýǵa sheshim qabyldadyq. Qoldanysqa berilgennen keıin qosymsha syılyq retinde balalarǵa arnaıy mektep quraldaryn tabystadyq. Turǵyndardyń júzindegi qýanysh erekshe áserge bóledi», dedi ol.
Jalpy otandastarymyz shekara aýmaǵynda, onyń syrt aımaǵynda da qaıyrymdylyq iste bir jeńnen qol, bir jaǵadan bas shyǵarýǵa beıim. Sodan bolar, elde 755 volonterlik uıym, 2 myń bastamashyl top jáne 275 myń belsendi volonter jumys isteıdi. Tipti olardyń arasynda 3,5 myń «kúmis» volonter, ıaǵnı 55 jastan asqan eriktiler bar.
Jýyrda Mádenıet jáne aqparat mınıstriligi Ulttyq volonterler front-ofısimen birlesip, respýblıka kóleminde «Igi isti bólis» fleshmobyn bastady. Naýqan muqtaj jandarǵa óteýsiz kómek kórsetý arqyly qaıyrymdylyq pen volonterlik qyzmetti damytýdy kózdeıdi. Alǵashqy aptada-aq 300-den asa qaıyrymdylyq is-shara uıymdastyrylyp, áleýmettik jelilerge jarııalandy.
О́tken jyldyń ózinde buǵan uqsas «Igi ister marafony» jobasy aıasynda 7 myń ıgi is jasalyp, oǵan 50 myńǵa jýyq adam qatysqan edi.
