Jıyndy ashqan Kásipkerler palatasynyń dırektory Sabıra Adambekova Prezıdent salyq júıesindegi ózgeristerdi ázirleý kezinde bıznestiń pikirin eskerýdi tapsyrǵanyn eske saldy.
О́z kezeginde Qazaqstannyń Ulttyq ekonomıka vıse-mınıstri B.Qudaıbergenov Úkimettiń usynystary týraly baıandady.
«Qazaqstandaǵy QQS mólsherlemesi álemdegi eń tómen mólsherlemeniń biri sanalady. QQS tabystyń mańyzdy kózi bolyp tabylatynyna qaramastan 2022 jyly ol jalpy ishki ónimniń (JIО́) tek 4 paıyzyn qurady, bul salystyrmaly kiris deńgeıi 7% bolatyn elder boıynsha ortasha kórsetkishten áldeqaıda tómen. Qosymsha qun salyǵyn nyǵaıtý kiristi arttyryp qana qoımaı, qubylmaly munaı kiristerine táýeldilikti azaıtady jáne eldiń ınfraqurylymy men ındýstrııany damytý baǵdarlamasyn qarjylandyrýǵa sep bolady», dedi vıse-mınıstr.
Sala ókiliniń aıtýynsha memlekettik organdar QQS-tyń jalpy mólsherlemesin 16%-ǵa deıin ulǵaıtýdy, al keıbir salalar úshin tómendetilgen mólsherlemeni 10% mólsherinde engizýdi usynyp otyr. Degenmen, bul salalardyń tizbesi áli naqty aıqyndalmaǵan. Sonymen qatar aýyl sharýashylyǵy ónimderin óndirýshilerdi salyqtan tolyǵymen bosatý josparda bar. Densaýlyq saqtaý salasy úshin salyq júktemesin azaıtý da qarastyrylý ústinde.
Kezdesý barysynda kásipkerler óńirdegi bıznes-qoǵamdastyqtyń atynan suraqtar men usynystaryn jetkizdi. Olar salyq júktemesiniń artýyna alańdaýshylyq bildirip otyrǵanyn jasyrmady.
Naqty aıtqanda, Shymkent qalalyq О́ńirlik keńestiń múshesi, «Keremet-Ońtústik» bóbekjaı-balabaqshasy» JShS basshysy Dıana Karamanova áleýmettik qyzmet kórsetetin mekemelerdi QQS-tan bosatýdy nemese qyzmetterdiń qoljetimdi bolýy úshin salyqtyq jeńildikter berýdi usyndy. Al «Shymkent qalasy men Túrkistan oblysynyń jeke klınıkalar qaýymdastyǵynyń» basshysy Ánýarbek Maımaqov medısına salasy boıynsha QQS mólsherlemesin 10-20% kóterý medısınalyq kómektiń qoljetimdiligin qıyndatýy múmkin ekenin atap ótti.
Kásipkerler palatasy janyndaǵy salalyq keńestiń múshesi Dáýlet Qanashaev QR Salyq jáne kásipkerlik kodeksterine ózgerister engizý kezinde jeńil ónerkásiptiń ereksheligin eskerý kerektigine toqtaldy. Soǵan baılanysty ol qyzmetkerlerdiń ortasha jyldyq sany 500 adamnan asqan jaǵdaıda ǵana iri kásipkerlik sanatyna aýysýdy belgileýdi, al ortasha jyldyq tabys kórsetkishterin ózgerissiz qaldyrýdy usyndy.
Barlyq suraqqa jaýap bergen Baýyrjan Qudaıbergenov jıyndy qorytyndylaı kele kásipkerler usynysy aldaǵy jumys barysynda eskeriletinine sendirdi.
