Alataýdyń baýraıynda en baılyq pen ıgilik jatyr. Ebin tapsa, tabıǵattyń talaı syıyn el ıgiligine qyzmet etkizýge bolady. Sonyń biri – «Suńqar» halyqaralyq shańǵy tramplınderi kesheniniń aýmaǵy bolatyn. Munan bylaıǵy jerde osynaý sporttyq ınfraqurylym halyqqa qyzmet etetin bolady.
Endi shahardaǵy atalmysh shańǵy joly almatylyqtardyń ıgiligi úshin jumys isteıdi. Bul týraly Almaty ákiminiń keńesshisi Pavel Novıkov jańa nysannyń tusaýkeser brıfınginde onyń áleýmettik baǵytqa ıe ekendigin atap ótti.
Sporttyń shańǵy túrlerin óskeleń urpaq arasynda keńinen nasıhattaýǵa jete mán berilýde. Mysaly, jańa nysandy kásibı sportshylarmen qatar balalar da tegin paıdalana alady. Almaty ákimi Ahmetjan Esimovtiń tikeleı bastamasy ári tapsyrmasy boıynsha joǵary oqý oryndary stýdentteriniń deneshynyqtyrý jáne sport jónindegi josparly sabaqtary shańǵy trassasynyń bazasynda ótetin bolady.
Tehnıkalyq jaǵynan kúrdeli bul sporttyq nysannyń basty ereksheligi – qalanyń týra ortalyǵynda ornalasqandyǵynda ári ınfraqurylymy jaıly, qoljetimdi. Shańǵy trassasynyń tramplın janyna salynýynyń ózi onyń salmaǵyn asyryp otyr. Joǵaryda atalǵan faktorlarǵa oraı halyqaralyq sarapshylar qoǵamdastyǵy oǵan álemdik reıtıngte úsh úzdiktiń biri degen ádil baǵasyn berdi.
Atap óterlik jaıt, kezinde bos jatqan jerge (qoqys tastalatyn alańqaı) qazirgi zamanǵy qurylys materıaldaryn paıdalana otyryp, jańa nysan salý megapolıs bıýdjetine arzanǵa tústi. Aýqymdy qurylys 2014 jyldyń kókteminde bastaldy. Keshende 60 modýldi oryn, standartty stadıon, 600 kórermendik trıbýna, qazylar kabınalary bar. Shańǵy jolynyń jalpy uzyndyǵy – 7,5 shaqyrym, soltústik bóligi – 5 shaqyrym, ońtústigi – 2,5 shaqyrym. Qurylys 2015 jyly tolyq aıaqtalady, abattandyrý, jaryqtandyrý jumystary qolǵa alynady.
Aınash ESALI,
«Egemen Qazaqstan».
ALMATY.
Sýretterdi túsirgen
Dáýren ISAEV.
Tehnıkalyq jaǵynan kúrdeli bul sporttyq nysannyń basty ereksheligi – qalanyń týra ortalyǵynda ornalasqandyǵynda ári ınfraqurylymy jaıly, qoljetimdi. Shańǵy trassasynyń tramplın janyna salynýynyń ózi onyń salmaǵyn asyryp otyr. Joǵaryda atalǵan faktorlarǵa oraı halyqaralyq sarapshylar qoǵamdastyǵy oǵan álemdik reıtıngte úsh úzdiktiń biri degen ádil baǵasyn berdi.
Atap óterlik jaıt, kezinde bos jatqan jerge (qoqys tastalatyn alańqaı) qazirgi zamanǵy qurylys materıaldaryn paıdalana otyryp, jańa nysan salý megapolıs bıýdjetine arzanǵa tústi. Aýqymdy qurylys 2014 jyldyń kókteminde bastaldy. Keshende 60 modýldi oryn, standartty stadıon, 600 kórermendik trıbýna, qazylar kabınalary bar. Shańǵy jolynyń jalpy uzyndyǵy – 7,5 shaqyrym, soltústik bóligi – 5 shaqyrym, ońtústigi – 2,5 shaqyrym. Qurylys 2015 jyly tolyq aıaqtalady, abattandyrý, jaryqtandyrý jumystary qolǵa alynady.
Aınash ESALI,
«Egemen Qazaqstan».
ALMATY.
Sýretterdi túsirgen
Dáýren ISAEV.
