Memorandýmǵa qol qoıyldy

Sońǵy bes jylda Atyraýda ın­dýs­­trııalyq-ınnovasııalyq damý baǵ­darlamasy aıasyndaǵy ın­dýstrııa­landyrý kartasymen 35 ınves­tı­sııa­lyq joba iske asyryldy. Oblys ákiminiń birinshi orynbasary Ǵumar Dúısembaevtyń aıtýynsha, bul jo­balarǵa salynǵan ınvestısııa kólemi 76 mıllıard teńgeni qurap, 2,5 myńnan astam jumys orny ashyldy. Osy kezeńde ındýstrııalandyrý kartasy sheńberinde kásiporyndar 33 mıllıard teńgeniń otandyq ónimin óndirip, qyzmetin kórsetipti. Alaıda, iske qo­syl­ǵan kásiporyndardyń arasynan ekeýi ǵana jobalyq qýatyna jete qoıma­ǵan. Árıne, munyń sebepteri alǵa tarty­lady. Al bıyl 14 kásiporynnyń jo­balyq qýatyna jetýine baılanys­ty ındýstrııalandyrý kartasynan shy­ǵarylatyndyǵy kútilip otyr. Sonymen birge, aǵymdaǵy jy­ly 11 ınvestısııalyq jobany iske qosý jobalanypty. Bularǵa salyn­ǵan ınvestısııalyq qarjy – 226 mıl­lıard teńge. Osy jobalar iske qosyl­ǵanda jańadan 1300-den asa jumys ornyn qurýdyń múmkindigi de qaras­tyrylýda. Buǵan qosa, 210 gektar­lyq ındýstrııalyq aımaq qurý jos­pary bar. Munda ekonomıkany ár­taraptandyrýǵa baılanysty, ásirese, munaı-hımııa ónerkásibin órkendetýge qolaıly jaǵdaı jasalmaq. Degenmen, shaǵyn óndiris ornyn iri kásiporynǵa aınaldyrǵan kásipkerler memlekettiń qoldaýyna júginýden áli bas tartpaıdy. Memleket olarǵa qandaı qoldaý kórsete alady? Investısııalar jáne damý mınıstri Áset Isekeshev pen Energetıka mınıstri Vladımır Shkolnıktiń Atyraý oblysyna sapary barysynda naq osy máselege ekpin túsirildi. О́ıtkeni, Atyraýdaǵy iri kásiporyn jetekshileriniń aıtýynsha, óńirdegi kásiporyndarda tender ótkizýdiń ashyqtyǵy áli kóńilge qona qoı­maıdy. Al «Qoljetimdi turǵyn úı» baǵ­dar­lamasymen turǵyn úı qurylysyn júrgi­zetin kásiporyndar úshin turǵyn úı sharshy metriniń baǵasyna ózgeris engizilgenin qa­laıdy. О́ńirdegi otandyq kásiporyndar tynysymen keńirek tanysyp, olardyń basshylarymen júzdesken mınıstrler memleket tarapynan otandyq kásiporyndarǵa udaıy qoldaý kórsetilip kele jatqanyna toqtaldy. «Jumys berýshilerdiń basty maqsaty – jumys oryndarynyń qysqarýyna jol bermeý, sonymen birge, jergilikti taýar óndirýshilerdi qoldaý», degen uıǵarym jasady mınıstrler. Osyǵan óńirdegi 82 jumys berýshimen arada memorandýmǵa qol qoıyldy. Dál qazirgi ýaqytta bularda 38 myńnan astam adam jumys jasaıdy. Maq­sat – jumys oryndaryn qysqartpaý jáne otan­dyq taýar óndirýshilerdi qoldaý. Joldasbek ShО́PEǴUL, «Egemen Qazaqstan». Atyraý oblysy.