Foto: instagram.com/boxingkazakhstan
10 aqpanda bastalǵan jattyǵý jıyny 24 aqpan kúni «Strandja» kýbogine ulasady.
Qazir daıyndyqqa Brazılııa, Bolgarııa, Irlandııa, Italııa quramasynyń boksshylary qatysyp jatyr. Ulttyq olımpıada komıtetiniń málimetinshe, oqý - jattyǵý jıynyna álem chempıondary, Olımpıada júldegerleri, Eýropa chempıondary qatysyp, tájirıbe almasýda.
Kishi álem chempıonaty atalyp ketken týrnırde elimizdiń birinshi jáne ekinshi nómirli bylǵary qolǵap sheberleri baq synaıdy.
Bas bapker osy dodaǵa qatysatyn barlyq boksshynyń fızıkalyq, tehnıkalyq daıyndyǵy tııanaqty ekenin, quramanyń ár boksshysynan medal kútetinin aıtty.
«Strandja» kýboginen keıin Reseı quramasymen birlesken oqý-jattyǵý jıyny ótedi. Bul jıynǵa Reseıdiń, О́zbekstannyń, Ázerbaıjannyń, Belarýstiń 1-2 nómirli boksshylary qatysady. Bir quramamyz Brazılııada ótetin Álem kýbogyna attanady. Odan bólek taǵy bir quramamyz Ázerbaıjan men Grýzııada oqý-jattyǵý jıynyn ótkizedi. Keıinnen «Jibek joly» atty iri halyqaralyq týrnırde óner kórsetedi», dedi Qaırat Sátjanov.
Sondaı-aq 13-27 naýryz aralyǵynda Japonııa men Koreıa memleketteriniń qatysýymen jattyǵý jıyny josparlanyp otyr. Al Reseıde daıyndalyp jatqan sportshylar Habarovskide ótetin jarysqa qatysady.
