IIM baspasóz qyzmetiniń aqparatyna sáıkes, beınetúsirilimdi ÝUI-diń burynǵy qyzmetkeri qyzmet múddelerine qaıshy áreket jasap, júrgizgeni anyqtaldy. Ol bul úshin jeke uıaly telefonyn paıdalanǵan. Qyzmettik tártipti óreskel buzǵany úshin ol arnaıy sheninen aıyrylyp, teris sebeptermen jumystan qýyldy.
Sonymen qatar atalǵan fakti boıynsha qylmystyq is qozǵaldy.
«Qyzmettik tártipti óreskel buzǵany jáne tıisinshe baqylaý júrgizbegeni úshin 16 basshy men qyzmetker laýazymnan bosatylýǵa deıin qatań tártiptik jazaǵa tartyldy. Onyń ishinde ÝUI basshysy da laýazymnan bosatyldy», delingen habarlamada.
IIM mundaı buzýshylyqtarǵa múldem tózbeýshilik tanytyp, qatań tosqaýyl qoıatynyn atap ótti.
«Olar búkil quqyq qorǵaý júıesiniń bedeline nuqsan keltirip, azamattardyń qaýipsizdigin qamtamasyz etip, kúndelikti óz mindetterin adal oryndaıtyn qyzmetkerlerdiń atyna daq túsiredi», dep túsindirdi IIM.
Bolǵan jaǵdaıǵa baılanysty ÝUI-de rejımdi baqylaý kúsheıtildi: qosymsha beınemonıtorıng sharalary engizilip, uqsas mekemelerde jospardan tys tekserýler bastaldy.
Aıta keteıik, 16 aqpanda áleýmettik jelide jasóspirim Sherzat Polattyń ólimine qatysty is boıynsha ustalǵandar ýaqytsha ustaý ızolıatorynda týǵan kún toılap jatqany týraly aqparat taraǵan edi.
