Sýrette: ekijaqty kezdesý.
Eki el arasyndaǵy saýda aınalymyna keler bolsaq, Almaty oblysy men Qytaı arasyndaǵy saýda-ekonomıkalyq baılanystar qarqyndy damyp jatyr. Qytaılyq ınvestısııalar óńirdiń agroónerkásiptik keshenin damytýda mańyzdy ról atqarady. Aspan asty elimen kelisimniń nátıjesinde oblys kóleminde birneshe jobalar sátti júzege asyryldy. Atap aıtar bolsaq tamshylatyp sýarý tehnologııalaryn engizý (7,5 mlrd teńge, 450 jumys orny), qurǵaq sút óndirý zaýytynyń qurylysyn salý (7,5 mlrd teńge, 27 jumys orny), sondaı-aq qurama jem óndirisi zaýytyn (7,5 mlrd teńge, 60 jumys orny) iske qosý josparlanǵan.
Buǵan qosa bolashaqta 26 myń ga sýarý júıelerin salý jáne jańǵyrtý (234 mlrd teńge), frýktoza, maltoza jáne laktoza óndiretin zaýyt qurylysy (206,5 mlrd teńge, 2 000 jumys orny) jáne astyqty tereń óńdeý zaýytynyń qurylysy (1 000 jumys orny) júzege asatyn bolady.
Qytaılyq ınvestorlar óńirdegi iri ónerkásiptik jobalarǵa da belsendi túrde qatysyp jatyr. Olardyń qatarynda volfram óńdeý zaýyty (135 mlrd teńge, 350 jumys orny), farmasevtıkalyq fabrıka qurylysy (7,5 mlrd teńge, 450 jumys orny) jáne bolat sym óndirisi (359 mln teńge, 60 jumys orny) bar.
Aldaǵy ýaqytta metallýrgııalyq ónimder óndirisi (106 mlrd teńge, 500 jumys orny), transformator zaýytynyń qurylysy (50 mlrd teńge, 500 jumys orny), sondaı-aq arnaıy tehnıka qurastyrý (52 mlrd teńge, 1 366 jumys orny) syndy ónerkásiptik jobalar iske asatyn bolady.
Ekijaqty basqosýda Qytaı Almaty oblysynyń negizgi týrıstik seriktesteriniń biri bolyp tabylatyny ataldy. О́tken jyly óńirge 11 700-den astam qytaılyq týrıst kelgen, bul 2023 jylmen salystyrǵanda 43%-ǵa artyq.
Kezdesýde birlesken týrıstik marshrýttar qurý, ınfraqurylymdy damytý jáne qytaılyq ınvestorlardy qonaqúı bıznesine tartý máseleleri talqylandy.
Kelissózder barysynda Qytaıdyń Almaty oblysy ınfraqurylymyn jańǵyrtýǵa qatysýy basty taqyryptardyń biri boldy.
Osy maqsatta Alataý jáne Qonaev qalalarynda ınjenerlik jelilerdiń qurylysy jáne jańǵyrtý (162 mlrd teńge), oblysta 6 elektr qosalqy stansııasyn salý (36 mlrd teńge) jobalary usynyldy.
Qytaı elimen aradaǵy mádenı baılanystardy nyǵaıtý aıasynda Qazaqstannyń Halyq ártisi Nurǵısa Tilendıevtiń 100 jyldyǵy Beıjińde atap ótiletini jarııalandy. Bul shara eki el arasyndaǵy mádenı yntymaqtastyqty odan ári kúsheıtýge baǵyttalǵan.
Kezdesý qorytyndysy boıynsha taraptar ekijaqty áriptestikti damytýdy jalǵastyrýǵa nıetti ekenderin bildirdi.
Almaty oblysy
