Konferensııa aıasynda QHA-nyń qoǵamdyq qurylymdaryn, Aqsaqaldar jáne Analar keńesin, etnomedıasııany damytýdyń negizgi aspektileri, sondaı-aq jalpyulttyq qundylyqtardy nyǵaıtýǵa baǵyttalǵan jastar bastamalary talqylandy. QHA Tóraǵasynyń orynbasary Marat Ázilhanov jáne Aqtóbe oblysynyń ákimi Ashat Shaharov Qazaqstan halqy Assambleıasy 30 jyldyǵynyń mańyzdylyǵyn atap ótip, ataýly dataǵa oraılastyrylǵan is-sharalardy sapaly ótkizýdiń, ásirese XXXIV sessııasy men QHA óńirlik sessııalaryna daıyndyqtyń mańyzdylyǵyn atap ótti.
Konferensııa barysynda QHA Ǵylymı-saraptamalyq keńesiniń tóraǵasy, QR MAM Qoldanbaly etnosaıası zertteýler ınstıtýty dırektorynyń orynbasary Aıgúl Sádýaqasova Assambleıa qyzmetiniń ǵylymı-ádistemelik bazasy týraly aıtty.
Sonymen qatar etnomedıasııa keńesiniń tóraǵa orynbasary, «Parasat» medıasııa jáne quqyq ortalyǵynyń basshysy Gúlmaıdan Ýrozbaeva «Etnosaralyq erekshelikter jáne medıasııa» mamandandyrylǵan kýrsyn tanystyrdy.
2025 jylǵy 19-21 aqpan aralyǵynda Aqtóbe qalasynda etnomedıasııa salasyndaǵy bilim men daǵdylardy jetildirýge baǵyttalǵan semınar-trenıng josparlanǵan.
Sharalar aıasynda Aqtóbe oblystyq Assambleıa jastary ókildiginiń jastarǵa arnalǵan kovorkıng ortalyǵy ashyldy. Konferensııaǵa qatysýshylar óńirdegi QHA jastar qanatynyń qyzmetimen tanysty.
Jalpy, Qazaqstan halqy Assambleıasynyń Aqtóbe oblysyndaǵy is-sharalary jalpyulttyq birlik pen etnosaralyq kelisim qundylyqtaryn ilgeriletýdegi mańyzdy qadam bolyp otyr.
