Proskýrıakovanyń aıtýynsha, Ortalyq Azııa elderi arasyndaǵy saýda kólemi nebári 3% -dy quraıdy.
«Qazir saýda aǵyndary ózgerip jatqanda, bul óńirdegi baılanystardy nyǵaıtýǵa múmkindik beredi. Alaıda ınfraqurylymdy jańǵyrtý ǵana jetkiliksiz. Sondaı-aq shekaradan ótýdi jedeldetý, elektrondyq júıelerdi engizý, tarıftik kedergilerdi tómendetý mańyzdy» dedi ol.
Tatıana Proskýrıakova aıtyp ótkendeı, ekonomıkalyq ósýdi tejeıtin negizgi faktorlardyń biri ınfraqurylym. Tek Qazaqstan emes Ortalyq Azııada bul segment eskire bastady.
Bıýdjet tapshylyǵy, ınvestısııalardyń tómendeýi, joǵary bazalyq mólsherleme jáne shıkizat resýrstaryna táýeldilik túıindi problemalar bolyp qalyp otyr.
Proskýrıakova Ortalyq Azııa eńbek ónimdiligi jáne resýrstardy, onyń ishinde sýdy utymdy paıdalaný boıynsha álemdegi sońǵy oryndardyń birin ıelenetinin atap ótti.
«Qazir óńir negizinen shıkizat pen jumys kúshin eksporttaıdy. Qazaqstan Ortalyq Azııanyń basqa elderi sııaqty ónimniń qosymsha qunyn jasaý úshin qaıta óńdeý ónerkásibi men qyzmet kórsetý sektoryna ınvestısııa salýy qajet» deıdi sarapshy.
