Foto: Oqu-agartu ministrligi
Oqý-aǵartý mınıstrliginiń baspasóz qyzmetiniń málimdeýinshe, atalǵan shara – kolledjderge ekonomıkadaǵy ózgeristerge tez beıimdelýge, eńbek naryǵynyń qajettilikterine jedel jaýap berýge jáne mamandar daıarlaý múmkindikterin keńeıtýge jaǵdaı jasaıdy.
«Endi kolledjder lısenzııalanǵan mamandyqtar aıasynda jańa biliktilikterdi qosý úshin bıýrokratııalyq rásimderden alshaqtap, tek materıaldyq-tehnıkalyq bazasy men kadr quramynyń sáıkestigin rastasa jetkilikti. Sonymen qatar, modýldik bilim berý baǵdarlamalary stýdentterge bir mamandyq sheńberinde birneshe biliktilikti meńgerýge múmkindik beredi», dedi Bilim salasynda sapany qamtamasyz etý komıtetiniń tóraǵasy Ernur Daýenov.
Qazirgi ýaqytta vedomstvonyń aımaqtyq departamentteri kolledjder arasynda túsindirý jumystaryn júrgizip, resmı resýrstarda aqparattar jarııalap, lısenzııalardy qaıta rásimdeý kestesin ázirledi.
Kolledjder jańa mamandyqtarǵa lısenzııa alý nemese qoldanystaǵy lısenzııalaryn qaıta resimdeý boıynsha qazirden bastap ótinish bere alady.
