Foto: tolqyn.kz
Onyń ishinde jeńil ónerkásip, hımııa ónerkásibi, tamaq ónimderin jáne qurylys materıaldaryn óndirý, mashına jasaý, júk tasymaldaý, ShOB damytý úshin ekoorta qalyptastyratyn ınfraqurylymdyq jáne klasterlik jobalar bar.
«2025 jyly «Báıterek» ulttyq basqarýshy holdıngi» AQ kásipkerlikti qoldaýǵa, turǵyn úı qurylysyn damytýǵa jáne 2027 jylǵa qaraı qarjylandyrý kólemin odan ári 10 trln teńgege deıin arttyra otyryp, negizgi ulttyq jáne ınvestısııalyq jobalardy iske asyrýǵa 8 trln teńge baǵyttaıdy», delingen habarlamada.
Aýqymdy qarjylandyrý sheńberinde bıznesti, eksporttyq múmkindikterdi damytýǵa baǵyttalǵan qoldaýdyń jańa tetikteri iske qosylady, qarjylandyrý jáne áleýmettik bastamalar quraldary keńeıtiledi. Olardyń ishinde, ShOB pen iri bıznesti qoldaý úshin eki kepildik qory qurylady.
«ShOB-ty qoldaý úshin 2025 jyly «Damý» kepildik qory qurylady. Bul úshin «Damý» fýnksııalary jańa mindettermen tolyqtyrylady, kepildik berý quraly boıynsha ónim jelisi keńeıtiledi, usynylatyn kepildikterdiń mólsheri ulǵaıtylady, kepildendirýge jatatyn ekonomıka sektorlarynyń (EQJJ) tizbesi keńeıtiledi. Jańa ónimderge kepildikterdi qaıtarymsyzdyq jáne shartsyzdyq qaǵıdattary boıynsha shyǵarý josparlanýda. Kepildik qoryn qurý memlekettik bıýdjetke túsetin júktemeni qosymsha qarjylandyrý kózderinen qarajat tartý esebinen azaıtady, bıznes sýbektilerin kepildik berý túrindegi qoldaý sharasymen qamtýdy ulǵaıtady jáne bankterdiń ótimdiligin ekonomıkalyq aınalymǵa tıimdi tartýǵa múmkindik beredi. Kepildik qoryn iske qosý 2028 jylǵa qaraı kepildikter portfelin 1 trln teńgege deıin arttyrýǵa (2023 jylmen salystyrǵanda +148%) jáne jyl saıyn 50 myńnan astam jobany qoldaýǵa múmkindik beredi (2023 jyly kepildik berý quraly arqyly 8 212 jobaǵa qoldaý kórsetildi)», dep habarlady Úkimettiń baspasóz qyzmeti.
Jobany qarjylandyrý kezinde ekinshi deńgeıli bankterdiń jáne/nemese QDB-nyń nesıesi joba qunynyń 80%-yn quraýy múmkin. Kepildik berý kepilmen qamtamasyz etýdiń jetkilikti bolýy máselelerin sheshe otyryp, joba qunynyń 30%-na deıingi somaǵa beriletin bolady.
Báıterektiń qarjylandyrý somasy 7,3 trln teńgeni quraıdy, onyń ishinde 2025 jylǵa 3,7 trln teńge qarastyrylǵan. Holdıngtiń kepildigi 2,2 trln teńgege nemese 30%-ǵa deıin jetýi múmkin, onyń ishinde 1,1 trln teńgege deıingi kepildik 2025 jylǵa qarastyrylǵan. Bul rette 50% – bolashaq bıznes-seriktestiń kepildigi. Báıterek jobanyń kapıtalyna kire alady, sodan keıin kásipkerdiń jeke qatysý mólsheri 20%-dan tómen bolýy múmkin. Osylaısha, iri jobalarda kepilmen qamtamasyz etýdiń jetispeýshiligi máselesi sheshilýde.
Iri bıznes sýbektilerin qarjylandyrý úshin quny 7 mlrd teńgeden bastalatyn jobalar boıynsha kepildikter beriletin bolady.
Ekinshi deńgeıli bankter úshin bul nesıelendirý kóleminiń ulǵaıýyn jáne kepil kólemi jetkiliksiz bolǵan kezde nesıelendirý táýekelderiniń tómendeýin qamtamasyz etýge múmkindik beredi.
Kepildikter berý óńdeý ónerkásibi sektorlarynda josparlanyp otyr. Kepildikterdiń qaıtarymsyzdyǵy bankterdiń qyzyǵýshylyǵyn arttyrýǵa, al bıznes sýbektileri úshin kepildikterdiń aqyly bolýy kásipkerlerdiń jaýapkershiligin kúsheıtýge arnalǵan.
