Rýdnyıda parodııa baıqaýy ótti

QOSTANAI. 9 aqpan. Rýdnyı qalasynda parodııa baıqaýy ótti. Onda Qaırat Nurtastyń obrazy Gran-prıdi jeńip aldy. Bul týraly ng.kz habarlady. Bul baıqaý Rýdnyıda ekinshi ret ótip otyr. О́tken jyly reseılik telearnanyń «Odın v odın» jáne «Qazaqstan» telearnasynyń «Juldyzdy doda» habarlaryna eliktep, osy baıqaýdy balalar arasynda ótkizgen edi. Bıyl oǵan qatysýǵa eresekter kóp tilek bidiripti. «Orbıta» demalys ortalyǵynyń ádiskeri Svetlana Pınchýk: «Bıyl biz baıqaýǵa qatysýshylar qataryn toltyra almaımyz ba dep oılaǵan edik. О́tken jyly balalarmen birge eresek kisilerdi de qatystyrý oıda bolǵan. Biraq olar uıalǵan bolatyn. Al bıyl baıqaýdy ótkizýge olardyń ózi usynys jasady», dedi. Baıqaýdyń qorytyndy konsertine barlyǵy 16 adam ǵana shyqty. Qazylar alqasy qatysýshylardyń daýysy men akterlik sheberligin tarazylady. Rýdnyılyqtar aldynda «Qaırat Nurtas», «Elena Obrazsova», «Laıma Vaıkýle», «Stas Mıhaılov», «Aıgerim Qalaýbaeva» jáne «Pınk» óner kórsetti. Baıqaý óte kóńildi ótti. Qatysýshylardyń barlyǵynyń da óneri kópshilikke unady. Biraq jarystyń aty – jarys. Úshinshi oryndy Elena Obrazsovanyń beınesin jasaǵan Tamara Zıýbanova men Áıgerim Qalaýbaeva bolyp shyqqan Janerke Sábıtbek bólisti. Ekinshi oryndy Rafaella Karany somdaǵan Tatıana Brıýshko men amerıkalyk Pınkty Rýdnyı sahnasyna shyǵarǵan Anastasııa Dmıtrıýk aldy. Birinshi oryn Aleksandr Serov bolyp, qazylar alqasynyń júregin jaýlaǵan Pavel Evtýshenko men Stas Mıhaılovtyń obrazyn jasaǵan Salamat Jaqypovqa berildi. Al Gran-prıdi Qaırat Nurtasty Rýdnyıǵa «ákelgen» Áset Qýanyshev pen PSY ániniń oryndaýshysy men avtory ońtústik koreıalyq ánshini shyǵarǵan Anton Bokov bólisti. Názıra Járimbetova. Dereý, sýret: ng.kz.