ASTANA. 8 aqpan. AIBA-nyń WSB (Dúnıejúzilik boks serııasy) jobasy aıasynda «Astana arlandary» AQSh «Nokaýtshylaryn» 5:0 esebimen tas-talqan qylyp jeńdi. Bul týraly egemen.kz habarlady.
Qos komanda arasyndaǵy aıqas Qaraǵandy qalasynda ótti. Osyǵan deıin «arlandar» úıdegi tartystaryn tek Astana men Almaty qalalarynda ǵana ótkizip kelgen edi. Bıylǵy maýsymnan bastap komanda jetekshileri aımaqtardaǵy jankúıerlerin de nazardan tys qaldyrmaı, óz sharshy alańyndaǵy keıbir jekpe-jekterin oblys ortalyqtarynda ótkizýge bel býdy. Alǵash bolyp mundaı múmkindikke Qaraǵandy qalasy ıe boldy. Sonyń nátıjesinde, kenshiler qalasyna AQSh-tyń kúrzi judyryqty jigitteri qonaqqa keldi.
Buǵan deıin úsh tartys ótkizgen «arlandar» men «nokaýtshylar» barlyǵynda jeńiske jetip, 9 upaımen «V» tobynda kósh bastap kelgen edi. Sondyqtan Qaraǵandy qalasyndaǵy Serik Sápıev atyndaǵy boks ortalyǵynda ótken aıqas toptyń naǵyz kóshbasshysyn anyqtaıtyn saıys retinde de jankúıerlerdiń qyzyǵýshylyǵyn týdyrdy.
Eń birinshi sharshy alańǵa 52 kılo salmaq dárejesindegi boksshylar kóterildi. «Astana arlandarynyń» bas jattyqtyrýshysy Marat Jakıev bul synǵa Mıras Jaqypovty daıyndaǵan eken. Al Mırastyń qarsylasy Brent Venegas esimdi boksshy. Tolyq aty-jóni Brent Rıchard Venegas III. Qos boksshy da bes raýnd boıy aıanyp qalmady. Sońynda qaptaldaǵy tóreshiler «arlannyń» basymdyǵyn tirkep, Jaqypov 3:0 (49:46, 49:46, 49:46) esebimen jeńiske jetti.
Kelesi kezekte jankúıerler aldyna 60 kılodaǵy Erjan Músápirov pen Malıek Donnel Montgomerı shyqty. Bul jekpe-jekte Erjan 2:1 (48:47, 47:48, 48:47) esebimen basym tústi. Jasyratyny joq, tartys barysynda Erjan aıqyn basymdyq tanyta almady. Alǵashqy raýndtarda shıraq qımyldaǵanymen, sońǵy kezeńderde tizginge Montgomerı ıe boldy. Bul kórinis tóreshilerdiń sheshiminen de baıqalyp, qazylar úsh upaıdyń bireýin AQSh-tan kelgen boksshyǵa ustatty.
Aldyńǵy eki komandalasynyń jeńisti jolyn «arlandar» sapyndaǵy horvatııalyq legıoner Hrvoe Sep (81 kılo) jalǵastyrdy. Ol qarsylasy Stıv Nelsondy bes raýnd boıy soqqynyń astyna alyp, AQSh-tan kelgen boksshyǵa «azýyn batyrdy». Nátıjesinde, tóreshiler biraýyzdan Hrvoeni jeńimpaz dep tanyp (3:0 (50:44, 50:45, 48:47)), «arlandar» merziminen buryn jeńiske jetti.
Tórtinshi jupty 69 kılo salmaq dárejesindegi Aslanbek Shymbergenov pen Braıan Seballo qurady. Aslanbek sońǵy Qazaqstan chempıonatynda top jarǵan boksshy. Bul onyń WSB jobasyndaǵy betashar jekpe-jegi. Desek te, alǵashqy úsh raýndta shıraq qımyldap, tóreshiler tarapynan oń baǵa aldy. Alaıda, sońǵy eki kezeńde sharshap qalǵany sezildi. Qarsylasynyń bul bosańdyǵyn utymdy paıdalanǵan Braıan soqqylaryn dittegen jerlerge dóp tıgizip, Aslanbekti sulatyp salýǵa umtyldy. Degenmen, onyń bul oıy júzege aspaı, «arlanymyz» 2:1 (48:47, 48:47, 46:48) esebimen basym tústi.
Saıys sońynda jankúıerler +91 kılo salmaqtaǵy boksshylardyń aıqasyna kýá boldy. Bul salmaqta «arlandar» sapynan ázirge Fılıpp Hrgovıch senimdi aqtap tur. Serik Sápıev atyndaǵy boks ortalyǵyna jınalǵan jankúıerler Hrgovıch sharshy lańǵa kóterilgende naǵyz alyptardyń aıqasyn kútip, qıqýǵa basty. «Arlan» boksshy da jankúıerlerge aıyz qandyrar tamasha jekpe-jek syılap, qarsylasy Brendon Glentondy ekinshi raýndta-aq tehnıkalyq nokaýtqa jiberdi.
Osylaısha «arlandar» maýsymdaǵy tórtinshi jeńisterine qol jetkizdi. Ázirge 12 upaımen «V» tobynda jeke-dara kósh bastap tur. Bizdiń jigitter kelesi aıqastaryn 14 aqpanda pýertorıkolyq Puerto Rico Hurricanes komandasyna qarsy ótkizedi. Bul tartys ta Qaraǵandy qalasynda ótedi dep josparlanýda.
Elaman Qońyr.
Derek: egemen.kz.
Sýret: worldseriesboxing.com.
ASTANA. 8 aqpan. AIBA-nyń WSB (Dúnıejúzilik boks serııasy) jobasy aıasynda «Astana arlandary» AQSh «Nokaýtshylaryn» 5:0 esebimen tas-talqan qylyp jeńdi. Bul týraly egemen.kz habarlady.
Qos komanda arasyndaǵy aıqas Qaraǵandy qalasynda ótti. Osyǵan deıin «arlandar» úıdegi tartystaryn tek Astana men Almaty qalalarynda ǵana ótkizip kelgen edi. Bıylǵy maýsymnan bastap komanda jetekshileri aımaqtardaǵy jankúıerlerin de nazardan tys qaldyrmaı, óz sharshy alańyndaǵy keıbir jekpe-jekterin oblys ortalyqtarynda ótkizýge bel býdy. Alǵash bolyp mundaı múmkindikke Qaraǵandy qalasy ıe boldy. Sonyń nátıjesinde, kenshiler qalasyna AQSh-tyń kúrzi judyryqty jigitteri qonaqqa keldi.
Buǵan deıin úsh tartys ótkizgen «arlandar» men «nokaýtshylar» barlyǵynda jeńiske jetip, 9 upaımen «V» tobynda kósh bastap kelgen edi. Sondyqtan Qaraǵandy qalasyndaǵy Serik Sápıev atyndaǵy boks ortalyǵynda ótken aıqas toptyń naǵyz kóshbasshysyn anyqtaıtyn saıys retinde de jankúıerlerdiń qyzyǵýshylyǵyn týdyrdy.
Eń birinshi sharshy alańǵa 52 kılo salmaq dárejesindegi boksshylar kóterildi. «Astana arlandarynyń» bas jattyqtyrýshysy Marat Jakıev bul synǵa Mıras Jaqypovty daıyndaǵan eken. Al Mırastyń qarsylasy Brent Venegas esimdi boksshy. Tolyq aty-jóni Brent Rıchard Venegas III. Qos boksshy da bes raýnd boıy aıanyp qalmady. Sońynda qaptaldaǵy tóreshiler «arlannyń» basymdyǵyn tirkep, Jaqypov 3:0 (49:46, 49:46, 49:46) esebimen jeńiske jetti.
Kelesi kezekte jankúıerler aldyna 60 kılodaǵy Erjan Músápirov pen Malıek Donnel Montgomerı shyqty. Bul jekpe-jekte Erjan 2:1 (48:47, 47:48, 48:47) esebimen basym tústi. Jasyratyny joq, tartys barysynda Erjan aıqyn basymdyq tanyta almady. Alǵashqy raýndtarda shıraq qımyldaǵanymen, sońǵy kezeńderde tizginge Montgomerı ıe boldy. Bul kórinis tóreshilerdiń sheshiminen de baıqalyp, qazylar úsh upaıdyń bireýin AQSh-tan kelgen boksshyǵa ustatty.
Aldyńǵy eki komandalasynyń jeńisti jolyn «arlandar» sapyndaǵy horvatııalyq legıoner Hrvoe Sep (81 kılo) jalǵastyrdy. Ol qarsylasy Stıv Nelsondy bes raýnd boıy soqqynyń astyna alyp, AQSh-tan kelgen boksshyǵa «azýyn batyrdy». Nátıjesinde, tóreshiler biraýyzdan Hrvoeni jeńimpaz dep tanyp (3:0 (50:44, 50:45, 48:47)), «arlandar» merziminen buryn jeńiske jetti.
Tórtinshi jupty 69 kılo salmaq dárejesindegi Aslanbek Shymbergenov pen Braıan Seballo qurady. Aslanbek sońǵy Qazaqstan chempıonatynda top jarǵan boksshy. Bul onyń WSB jobasyndaǵy betashar jekpe-jegi. Desek te, alǵashqy úsh raýndta shıraq qımyldap, tóreshiler tarapynan oń baǵa aldy. Alaıda, sońǵy eki kezeńde sharshap qalǵany sezildi. Qarsylasynyń bul bosańdyǵyn utymdy paıdalanǵan Braıan soqqylaryn dittegen jerlerge dóp tıgizip, Aslanbekti sulatyp salýǵa umtyldy. Degenmen, onyń bul oıy júzege aspaı, «arlanymyz» 2:1 (48:47, 48:47, 46:48) esebimen basym tústi.
Saıys sońynda jankúıerler +91 kılo salmaqtaǵy boksshylardyń aıqasyna kýá boldy. Bul salmaqta «arlandar» sapynan ázirge Fılıpp Hrgovıch senimdi aqtap tur. Serik Sápıev atyndaǵy boks ortalyǵyna jınalǵan jankúıerler Hrgovıch sharshy lańǵa kóterilgende naǵyz alyptardyń aıqasyn kútip, qıqýǵa basty. «Arlan» boksshy da jankúıerlerge aıyz qandyrar tamasha jekpe-jek syılap, qarsylasy Brendon Glentondy ekinshi raýndta-aq tehnıkalyq nokaýtqa jiberdi.
Osylaısha «arlandar» maýsymdaǵy tórtinshi jeńisterine qol jetkizdi. Ázirge 12 upaımen «V» tobynda jeke-dara kósh bastap tur. Bizdiń jigitter kelesi aıqastaryn 14 aqpanda pýertorıkolyq Puerto Rico Hurricanes komandasyna qarsy ótkizedi. Bul tartys ta Qaraǵandy qalasynda ótedi dep josparlanýda.
Elaman Qońyr.
Derek: egemen.kz.
Sýret: worldseriesboxing.com.
