PAVLODAR. 7 aqpan. Pavlodar oblysy Ertis aýdany ákimdiginiń uıymdastyrýymen senbi kúni aýdan ortalyǵynyń úlken-kishisi shańǵy tebýe shyqty. Bul týraly egemen.kz tilshisi habarlady.
Shańǵymen júgirýden ótken jarysqa aýdan ákiminiń orynbasary Erjan Rahymjanov bastaǵan máslıhat depýtattary, memlekettik qyzmetkerler, etno-mádenı ortalyqtarynyń músheleri, jastar, aýdandyq ardagerler keńesiniń tóraǵasy Hamza Zeınishev, zeınetker G.Kopteva, marofonshy Serik Sekerbaev uly Aıbekpen, múmkindigi shekteýli jan Súıindik Kadenovter qatysty. Shańǵyshylar sporttyq sheberlikterin arttyrý maqsatynda 550 metr qashyqtyqqa júgirdi.
Sonymen qatar, qysqy sport túrlerinen oqýshylar spartakıadasy ótti. Jarystyń qorytyndysy boıynsha, alǵashqy oryndardy Iýrıı Býtolın, Asylhan Tuıaqov, Aıdar Qaıyrjanov, Dılnaz Toqbatyr, Anastasııa Shapovalova, Regına Dýdnıkter jeńip aldy. Oqýshylar endi shanǵymen syrǵanaý flesh-mob festıvaline qatysýǵa joldama alypty.
Al úlkender arasynda shańǵymen júgirýde aýdandyq tótenshe jaǵdaılar bóliminiń qyzmetkeri Dáýren Kozkın men Qyzyljar aýylynyń turǵyny Jasulan Tóleshev alǵashqylar bolyp márege jetti. Aldyńǵy 1,2,3 oryn jeńimpazdary jáne «Múmkidigi shekteýliler arasyndaǵy jeńimpaz», «Eń jas júgirýshi», «Jas mólsheri eń úlken júgirýshi», «Úzdik tehnıkasy úshin» nomınasııalaryna ıe bolǵandarǵa maqtaý qaǵazdary men syılyqtar tabystaldy.
Farıda Byqaı.
Derek: egemen.kz.
Sýret: egemen.kz.
