Foto: polisia.kz
Kúdikti tehnıka men avtokólik satyp alý, uıaly telefon satý, taýarlyq nesıeni qolma-qol aqshaǵa aınaldyrý jáne aqshany kóbeıtý sııaqty jeleýlerdi paıdalanyp, adamdardyń senimine kirgen.
«Máselen, 2023 jyldyń qazan aıynda ol Oral qalasynyń bir turǵynyn taýarlyq nesıeni qolma-qol aqshaǵa aınaldyrý syltaýymen 4 mıllıon teńgeden astam qarjyǵa aldap ketken. Sondaı-aq sáýir men qazan aılary aralyǵynda taǵy bir qala turǵynyna turmystyq tehnıka jetkizip beremin dep, 4,5 mıllıon teńgeden astam shyǵyn keltirgen», delingen habarlamada.
Tergeý barysynda alaıaqtyń qurbandary negizinen óz tanystary ekeni anyqtalǵan. Qazirgi ýaqytta kúdiktige qatysty 14 alaıaqtyq deregi boıynsha tergeý amaldary júrgizilip jatyr.
«Keltirilgen jalpy shyǵyn kólemi 78 mıllıon teńgeden asady. Ustalǵan azamat ýaqytsha ustaý ızolıatoryna qamalyp, óz kinásin moıyndady. Ol aldap alǵan qarajattyń basym bóligin bás tigýge jumsaǵanyn aıtqan», delingen habarlamada.
