Tanym • 26 Aqpan, 2025

Ǵalam ǵajaptary: «Balabaqsha» uǵymy qaıdan shyqty?

180 ret
kórsetildi
1 mın
oqý úshin

Mektepke deıingi mekemeni «bala­baqsha» deımiz. Aǵylshyndar «kinder­garten», orystar «detskıı sad», qytaılar «ıýerıýan», fransýzdar «jardin d’enfants» deıdi. Bári de osy «balalar baqshasy» degen maǵynany bildiredi.

Ǵalam ǵajaptary: «Balabaqsha» uǵymy qaıdan shyqty?

1837 jyly nemis pedagogi Frıdrıh Frıobel balalardyń oınap, án aıtyp, bılep, ómirlik mańyzdy daǵdylardy úıre­nýine arnalǵan bilim mekemesin ashqan. Ol bul oryndy «Kindergarten» dep atady, ıaǵnı «balalar baǵy» degen maǵynany bildiredi. Frıobel bul ataý arqyly balalardy baǵyp-kútý men ósimdikterdi baptaý arasyndaǵy uqsastyqty kórsetkisi keldi. Onyń oıynsha, balalar da gúlder sııaqty qamqorlyq pen durys ortada damýǵa tıis. Osylaısha, Frıobeldiń ıdeıasy álemge taralyp, balabaqsha uǵymy bala tárbıesiniń rámizine aınaldy.