- Bokstan Rýmynııanyń Braıl qalasynda aıaqtalǵan «Dracula Open-2025» týrnırinde elimizdiń jastar quramasy 21 júlde jeńip aldy. Onyń 4-eýi altyn, 11-i kúmis jáne 6-ýy qola. О́z salmaqtarynda Arman Myrsábıt (46 kg), Dýlat Ázız (57 kg), Tóreǵalı Seıdollaev (70 kg), Ádil Medelhanǵa (80 kg) teń keler eshkim tabylmady.
- Short-trekten Kanadanyń Kvebegindegi Álem kýboginiń kezeńdik saıysynda (U-18) Zeınep Qumarqan kúmis medal oljalady. 500 metrlik qashyqtyqty 44,637 sekýndta júgirip ótken Zeınep kanadalyq Vıktorııa Jan-Baptıstadan ǵana qalyp qoıdy. Qola medaldy polshalyq Anna Falkovska enshiledi.
- Frıstaıl-mogýldan Qytaıdyń Beıdaıhe qalasynda ótken Álem kýboginde jerlesterimiz sátsiz óner kórsetti. Bul jarystaǵy eń úzdik nátıje Anastasııa Gorodkoǵa tıesili. Ol altynshy oryndy qanaǵat tutty. Pavel Kolmakov pen Iýlııa Galysheva syndy myqtylarymyz úzdik ondyqtyń sanatyna ázer ilikti.
- Qazaq tennısshisi Beıbit Juqaev Shveısarııanyń Lýganosynda shymyldyǵy túrilgen ATR týrnıriniń tusaýkeser kezdesýinde oıda-joqta álemdik reıtıngte ózinen áldeqaıda tómen turǵan nıderlandyq Mees Rottgerıngten 6:4, 6:7, 6:7 esebimen utylyp qaldy.
