Aqtóbe polıtehnıkalyq kolledjinde kásipkerlik mektebi ashyldy

AQTО́BE. 9 aqpan. Aqtóbe polıtehnıkalyq kolledjinde kásipkerlik mektebi ashyldy. Bul týraly egemen.kz tilshisi habarlady. Kolledjde kásipkerlik mektebiniń ashylýyna Aqtóbe oblystyq kásipkerlik palatasy yqpal etti. «Bul osyndaı ınnovasııalyq joba júzege asyrylyp otyrǵan tuńǵysh oqý orny bolyp tabylady. Kolledj túlekteriniń dıplommen birge bıznesti júrgizý boıynsha bilim de alyp shyǵatyny qýanyshty. Biz kolledj túlekteriniń arasynan oqý ornyn bitirgennen keıin óz isin ashýdy oılastyratyndary kezdesetinine jáne óńirimizdiń belgili kásipkerleri bolatynyna senim artamyz», – deıdi óńirlik kásipkerler palatasy dırektorynyń orynbasary Dámeli Qunanova. Dámeli Baqytkereıqyzynyń aıtýynsha, kásipkerlik mektebinde oqý aptasyna eki ret fakýltatıvtik retinde ótkiziledi. Oqytý semınarlaryn ótkizý úshin kásibı lektorlar men bıznes jattyqtyrýshylar shaqyrtylady. Olar túlekterdi óz isin qalaı ashýǵa, bıznes-jospardy qalaı jazýǵa oqytady, óz armandaryn júzege asyrýǵa talaptanǵan kásipkerlerge kómek beretin memlekettik baǵdarlamalar, qarjylandyrý kózderi týraly túsindiredi. Sondaı-aq bıznesti júrgizýdegi negizgi qatelikter jaıy da aıtylady. «Qosymsha óz isin qalyptastyryp úlgergen kásipkerlermen, palatanyń sarapshylarymen kezdesý uıymdastylatyn bolady. Mekteptiń tyńdaýshylary óziniń jeke kásipkerlik bastamasy bolsa, jobalarmen jumys isteı alady. Eń úzdik jobalarǵa palata qoldaý kórsetedi. Tipti olar úshin ınvestorlar izdeýimiz de múkin», – deıdi óńirlik kásipkerlik palatasy dırektorynyń ornybasary. Mundaı kásipkerlik mektepteri oblystaǵy basqa kolledjderde ashylýy múmkin. Satybaldy Sáýirbaı. Derek: egemen.kz. Sýret: newskaz.ru.