Sessııanyń basty maqsaty – Qazaqstannyń taý-ken óndirýshi kásiporyndarynyń ǵylymı-tehnologııalyq damý baǵyttaryn talqylaý, ǵylymı ázirlemelerdi kommersıalızasııalaý máselelerin sheshý jáne ǵylymı-zertteý mindetterine qatysty strategııalyq sessııalar ótkizý boldy. Is-sharaǵa Qazaqstannyń 54 jetekshi ǵalymy, «Kazsınk» JShS kompanııasynyń 12 sarapshysy, sondaı-aq Ulttyq kásipkerler palatasy «Atameken» ókilderi men «Qazsınk» kompanııasynyń basshylyǵy qatysty.
Ǵylymı-tehnıkalyq sessııanyń alǵashqy kúni plenarlyq májilis ótip, onda qatysýshylar ǵylym men óndiristiń qazirgi jaǵdaıy jáne onyń bolashaǵy týraly óz pikirlerin ortaǵa saldy. D. Serikbaev atyndaǵy Shyǵys Qazaqstan tehnıkalyq ýnıversıtetiniń ǵylym jáne ınnovasııalar boıynsha prorektory Jadyra Qońyrbaeva taý-ken óndirýshi kásiporyndarynyń damýyna oqý orynnyń alar róli, ekonomıkanyń kadrlaryn daıarlaý, ulttyq ınjenerlik bilim berý modeli, eńbek naryǵy men ShQO ındýstrııasynyń qajettilikteri týraly aıtty.
Sóz alǵan sessııanyń moderatory O. Mesık ǵylymı-tehnologııalyq damý baǵyttary men túıitkildi máselelerdi ortaǵa salyp, talqylady.
Is-sharada «Bıznesti baǵalaý jáne zertteý máselelerin tujyrymdaý» atty oqytý bloktary ótkizildi. Bul bloktarda qatysýshylar tehnologııalyq deldaldyq jáne TRIZ ádistemesiniń elementteri arqyly ǵylymı jobalardy baǵalaýdy úırendi.
Ekinshi kúni qatysýshylar ǵylymı jobalardyń prototıpterin ázirleýge jáne «Kazsınk» JShS úshin basym ǵylymı jobalardy irikteýge nazar aýdardy. Qatysýshylar ózderiniń ǵylymı-tehnologııalyq prototıpterin usyndy, olar sarapshylardyń daýys berýi arqyly baǵalandy. Qorytyndysynda, kásiptendirý úshin iske asyrylatyn TOP-5 ǵylymı joba tańdaldy.
Sessııa sońynda qatysýshylarǵa sertıfıkattar tapsyrýmen birge, Bilim jáne ǵylym mınıstrligi Ǵylym komıteti men «Kazsınk» JShS sarapshylarynyń pikirleri usynyldy. Bul ǵylymı-tehnıkalyq sessııa Qazaqstannyń ken óndirý ónerkásibinde ınnovasııalyq sheshimder ázirleýge jáne ǵylym men óndiris arasyndaǵy baılanysty nyǵaıtýǵa úlken septigin tıgizdi.
