Foto: Joǵarǵy sot
Ádilet mınıstri Erlan Sársembaev «Sıfrlyq assıstent» engize otyryp, «О́ndirip alýshy men boryshkerdiń jeke kabıneti» pysyqtalatynyn aıtty.
Bul qural paıdalanýshylarǵa sot sheshimderiniń oryndalýynyń barlyq kezeńin baqylaýǵa múmkindik beredi. О́ndirip alýshylar men boryshkerler sot oryndaýshysynyń qandaı áreketterdi oryndaǵanyn, sondaı-aq bolashaqta ne isteý kerek ekenin kóre alady.
«Paıdalanýshylar sot oryndaýshysynyń áreketterine nemese áreketsizdigine qatysty áreket etedi. Sondaı-aq usyný merzimi ótýine baılanysty keri qaıtarylǵan atqarýshylyq qujattar boıynsha múlikke salynǵan tyıymdy, respýblıkadan shyǵýǵa ýaqytsha shekteýdi, boryshkerler tiziliminen shyǵarýdy ýaqytyly sheshpeý máselesin avtomattandyrý arqyly sheshýge múmkindik beredi», dedi Ádilet mınıstri Erlan Sársembaev.
Elimizde zııatkerlik menshikpen tıimdi jumys isteý úshin de sıfrlyq platforma ázirlenedi. Avtorlar men ózge de quqyq ıeleri óz týyndylaryn paıdalanýdyń barlyq kezeńin onlaın-formatta baqylaıdy. Bul qatarda sharttardyń qalaı jasalatynyn, syıaqylardy jınaqtaý jáne bólý, sondaı-aq tólemderdi qadaǵalaý bólimderi bar. Sıfrlyq platforma avtorlyq mazmundy jasaıtyndar úshin ashyq ári yńǵaıly bolmaq. Osy arqyly olardyń múddesin tıimdi qorǵaý kózdelgen.
