Petropavldyq zaǵıptarǵa tartý jasaldy

PETROPAVL. 9 aqpan. «IýrVest» JShS zańgerlik kompanııasy «Damý – Kómek» baǵdarlamasynyń aıasynda «Qazaq zaǵıptar qoǵamy» qoǵamdyq birlestigi Petropavl qalalyq fılıalyna kompıýter jáne keńselik taýarlar satyp áperip, demeýshilik kómek kórsetti. Bul týraly «Damý» qory óńirlik bólimshesiniń menedjeri Gúlmıra Jaqypova habarlady. – «Iýrvest» kompanııasy oblys turǵyndaryna zańgelik jáne konsaltıngtik   qyzmetter kórsetýmen aınalysady. Ári «Damý» qorynyń kásipkerlikti memlekettik qoldaý baǵdarlamasyn júzege asyrýda senimdi seriktestik bolyp tabylady. Budan tysqary az qamtylǵan adamdar men otbasylarǵa kómek qolyn berýden de tartynǵan emes. Elbasynyń tikeleı tapsyrmasymen jer-jerlerde múgedek jandarǵa úlken kóńil bólinip keledi. Bul oraıda, atalmysh kompanııanyń bastamasyna dán rızashylyǵymyzdy bildiremiz. Biz «Damý» qorymen kópten beri tyǵyz baılanystamyz, – deıdi Petropavl qalasy zaǵıptar qoǵamynyń basshysy Erkebulan Amanjolov. О́mir Esqalı. Derek: «Damý» qorynyń Soltústik Qazaqstan oblystyq fılıaly. Sýret: muftyat.kz.