Oqıǵa • 28 Aqpan, 2025

Elden benzındi zańsyz shyǵarǵan úsh azamatqa izdeý jarııalandy

70 ret

kórsetildi

1 mın

oqý úshin

QMA Qyrǵyzstanǵa AI-92 markaly benzınin zańsyz shyǵarýmen aınalysqan qylmystyq toptyń qyzmetin toqtatty, dep habarlaıdy Egemen.kz.

Qyrmyzy JUMAǴALIQYZY

Elden benzındi zańsyz shyǵarǵan úsh azamatqa izdeý jarııalandy

Foto: QMA

Vedomstvonyń habarlaýynsha, tergeý barysynda kúdiktilerdiń Qazaqstan aýmaǵynda benzındi eritkish jáne dıstıllıat retinde rásimdep, jalǵan qujattar arqyly shekaradan zańsyz ótkizgeni anyqtalǵan.

«Jedel izdestirý is-sharalary barysynda «Túrksib» stansııasynda zańsyz jolmen jóneltilgen 500 tonnaǵa jýyq benzın tıelgen 8 temirjol sısternasy ustaldy. Júk «Qara Maı Oıl» shaǵyn munaı óńdeý zaýytynan jóneltilgen jáne Qyrǵyzstanǵa baǵyttalǵan», delingen habarlamada.

Tergeý málimetterine sáıkes, 2023-2024 jyldary atalǵan shaǵyn zaýyttan 102 myń tonnadan astam munaı ónimderi kórshi memleketke eksporttalǵan. Aldyn ala esep boıynsha, qylmystyq toptyń kóleńkeli aınalymy sońǵy eki jylda 15,5 mlrd teńgeden asyp túsken.

Atalǵan is boıynsha úsh kúdiktige memleketaralyq izdeý jarııalandy:

Popov Alekseı Aleksandrovıch, 27.04.1987 jyly týǵan, Qazaqstan Respýblıkasynyń azamaty, Jambyl oblysy, Taraz qalasynyń týmasy, buryn sottalmaǵan;
Ibraımov Rahymjan Mamatuly, 29.01.1996 jyly týǵan, Qazaqstan Respýblıkasynyń azamaty, О́zbekstan Respýblıkasynyń Chartak qalasynyń týmasy, buryn sottalmaǵan;
Saǵyndyqov Serik Erlanuly, 29.07.1987 jyly týǵan, Qazaqstan Respýblıkasynyń azamaty, Jambyl oblysynyń týmasy, buryn sottalmaǵan;

Aıta keteıik, olarǵa «kamaqqa alý» túrindegi bultartpaý sharasy tańdalǵan.