Foto: egemen.kz/Erlan Omar
«Báıterek» holdınginiń kapıtalyn ulǵaıtý 2025 jyly 8 trln teńgeni quraıtyn jobalardy qarjylandyrýǵa múmkindik beredi.
Serik Jumanǵarın «Báıterek» holdıngi qarjylandyrýdyń jańa quraldaryn engizý tetikterin qarastyratynyn túsindirdi.
Sondaı-aq, elimizdegi 30 myń shaǵyn jáne orta bıznesti qoldaýǵa 1,7 trln teńgege bólinip, bıznestiń kredıtterine kepildik beretin 2 qor qurylady. Ulttyq ekonomıka mınıstri bul bastama shet memleketterde de tıimdi tájirıbe retinde engizilgenin baıandady.
Al Qazaqstandaǵy ınfraqurylymdy jańǵyrtýǵa 1,2 trln teńge ınvestısııa baǵyttalmaq.
«2025 jyly ınvestısııalardyń qosymsha kólemi Energetıkalyq jáne kommýnaldyq sektorlardy jańǵyrtý jónindegi ulttyq jobany iske asyrý aıasynda qamtylady. Investısııalar kólemi 5 jylda 13 trln teńgeden asady, bul rette bıyl ınfraqurylymdy jańǵyrtýǵa salynǵan ınvestısııalar shamamen 1,2 trln teńgeni quraıdy», dedi Serik Jumanǵarın.
