Djeıms Harrısonnyń sırek kezdesetin qan plazmasy teris rezýs-faktorly jańa týǵan sábılerge arnaıy sarysý jasaýǵa kómektesip, 2,4 mıllıon náresteniń ómirin saqtaýǵa sebepker bolǵan.
Ol 14 jasynda kúrdeli operasııadan keıin qan quıýdyń adam ómiri úshin qanshalyqty mańyzdy ekenin túsinip, 18 jasynan bastap 81 jasyna deıin úzdiksiz donor bolǵan. Donor ár eki apta saıyn plazma tapsyryp, bul salada álemdik rekord ornatty. Aıta keterligi, Harrısonnyń qyzy men nemereleri de onyń qanynan jasalǵan sarysýdy qoldanǵan. Ǵalymdar qandaǵy erekshe antıdenelerdiń tabıǵatyn áli kúnge deıin tolyq zerttep úlgermegen. Qazirgi tańda aýstralııalyq zertteýshiler osy sırek plazmanyń zerthanalyq nusqasyn jasap, bolashaqta júkti áıelderge kómektesýdi josparlap otyr. Aýstralııada Harrıson sııaqty erekshe qan quramy bar donorlardyń sany 200-ge de jetpeıdi. Bul kórsetkish óte tómen, sondyqtan bolashaqta mundaı donorlardyń tapshylyǵy densaýlyq saqtaý salasynda úlken máselege aınalýy múmkin.
