Naýqas 18 aqpan kúni keýde tusy qatty aýyryp, entikken jaǵdaıda aýrýhanaǵa túsken. Hırýrgter toby aqpannyń 20-syna deıin naýqasty otaǵa ábden daıyndap alyp, sol kúni ókpe býllalaryn beınetorakoskopııalyq kesý, tigý, jáne ókpeqap qýysyna Bıýlaý boıynsha bilte qoıý ádisimen operasııa jasady.
Hırýrgııanyń ozyq ádisteri men dárigerlerdiń kásibıliginiń arqasynda naýqas úshin operasııadan keıingi kezeń asqynýsyz, oń dınamıkamen ótti. Endi mine, naýqastyń densaýlyǵy durystalǵan keıin otbasyna oralyp otyr.
Degenmen №1 QKA torakaldy bólimshesiniń meńgerýshisi Nurhat Júnisov bul aýrýdyń aýyr zardaptary týraly eskerte kele: «Alyp býllezdi emfızema kezinde ókpe tininde iri aýa qýystary (býllalar) paıda bolyp, qalypty gaz almasý úderisin buzady. Pasıent qatty entigip, keýde qýysynyń aýyrǵanyn sezedi, al býlla jarylǵan jaǵdaıda pnevmotoraks paıda bolady – bul qaýipti jaǵdaı, onda aýa plevra qýysyna shyǵyp, ókpeniń jabysyp qalýyna dýshar etedi. Der kezinde hırýrgııalyq operasııa jasalmasa naýqasta pnevmotoraks qaıtalanyp, progressıvti tynys jetkiliksizdigi damýy múmkin. Zamanaýı, aǵzaǵa zaqymy barynsha az ádister naýqastyń densaýlyǵyn tez qalpyna keltiredi», deıdi.
ALMATY
