Vedomstvonyń málimetinshe, sońǵy ýaqytta azamattardan «103» dıspetcherlik qyzmetimen baılanysa almaǵandyǵyn aıtqan shaǵymdar túsken, dep habarlaıdy Ulysmedia.kz.
2025 jyldyń 3 naýryzynda Almaty qalasynda saǵat 23:40-tan 00:00-ge deıin (20 mınýt boıy) «103» jelisinde oryn alǵan baılanys úzilisten soń tehnıkalyq saraptama júrgizilgen. Qońyraý shala almaýdyń sebebi baılanys operatory tarapynan E1-aǵynynyń durys jumys istemeýi bolǵan.
Qazirgi ýaqytta telefon baılanysy qalypty rejımde jumys istep tur.
Ulttyq shuǵyl medısına úılestirý ortalyǵynyń habarlaýynsha, "103" nómirine qońyraý shalý kezinde baılanys úzilýine uıaly baılanys operatorynyń qyzmetindegi aqaýlar sebep bolýy múmkin. Sondaı-aq, keıbir uıaly telefon úlgileri shuǵyl qyzmettermen baılanysty qoldamaýy yqtımal.
Sonymen qatar, «103» nómirine qońyraý shalý kezinde 9 prefıksin qosyp terý kerektigi atap ótildi.
