Túrkistan oblysynyń bilim basqarmasy mektep dırektorynyń jumystan shettetilý sebebin fýnksıonaldyq qyzmetin durys atqarmaǵandyǵymen túsindirdi.
- Túrkistan oblysynyń bilim salasynda sapany qamtamasyz etý departamenti tarapynan tekserý jumystary júrgizilip, nátıjesinde mektep dırektory atqaryp otyrǵan laýazymynan bosatyldy. Oǵan sebep fýnksıonaldyq qyzmetin durys atqarmaǵan, - deıdi Túrkistan oblysy bilim basqarmasynyń baspasóz hatshysy Nurlan Sultanbek.
Aıta keteıik, Facebook áleýmettik jelisinde Túrkistan oblysy Tólebı aýdanyndaǵy mektep dırektory týystaryn retsiz jumysqa alǵany týraly aqparat taraǵan bolatyn. Onda áleýmettik jeli belsendisi, Lázzat Asanova "Áńgirata" mektebiniń dırektory týystary men tanystaryn ózi basqaryp otyrǵan mektepke jumysqa alǵanyn jazǵan.
- Tutqyshev Turdaly Aıtjanuly — mektep dırektory. Tutqyshev Turar Aıtjanovıch — qaraýyl, Tutqyshev Turǵynbek Aıtjanovıch — laborant, jubaıy Sýgırbaeva Sandýǵash Nurlybekovna — muǵalim… Al endi aǵaıyndary, klastastary men kórshilerine toqtalmaı- aq qoıaıyn. Sonda Turdaly Tutqyshevqa zań joq pa?, – dep jazǵan bolatyn belsendi paraqshasynda.
