Jasandy ıntellekt 29 túrli tilde kitaptardy daýystap oqı alady. Avtorlar óz eńbekterin «ElevenLabs» arqyly dybystap, «Spotify Findaway Voices» qyzmeti arqyly júkteýine bolady. Degenmen jańa júıe pikirtalas týdyrdy. Sarapshylar JI eshqashan kásibı dýblıaj akterleriniń daýysy men emosııasyn almastyra almaıdy degen pikirde. Buǵan deıin «Sanas» tehnologııasy adamnyń sóıleý mánerin ózgertip, dybystyń tabıǵı erekshelikterin saqtaı otyryp óńdeı alatyny týraly zertteýler jarııalaǵan edi. Iаǵnı jasandy ıntellekt tek mátindi dybystaýmen shektelmeı, adamnyń ózindik daýysy men ıntonasııasyn qaıtalaı alatyn deńgeıge jete alady.
