Ulttyq biryńǵaı testileý ortalyǵynyń deregine súıensek, naýryzda eń kóp tańdalǵan beıindi pánder kombınasııasy – «Bıologııa-Hımııa», ıaǵnı talapkerlerdiń 17,5%-y medısına, pedagogıka jáne aýyl sharýashylyǵy mamandyqtaryna túsýdi josparlaǵan. Al 17,1%-y «Matematıka-Fızıka», 10,5%-y «Matematıka-Informatıka» pánderin tańdady, sáıkesinshe bolashaq ınjenerler men IT-mamandary.
UBT-daǵy pánderdiń sany ózgerissiz qalady, ıaǵnı úsheýi mindetti jáne ekeýi tańdaý boıynsha. UBT-daǵy tapsyrmalar sany – 120. Onyń ishinde «Qazaqstan tarıhynan» 20 tapsyrma, «Oqý saýattylyǵynan» 10 tapsyrma, «Matematıkalyq saýattylyqtan» 10 tapsyrma jáne eki beıindi pánnen 40 tapsyrmadan. Joǵary ball – 140.
Testileý ýaqyty 4 saǵat (240 mınýt). Bul rette erekshe bilim qajettigi bar balalar úshin usynylatyn qosymsha 40 mınýt ýaqyt saqtalatynyn aıta ketý kerek.
Bul aıdaǵy UBT-ǵa shartty túrde aqyly negizde kúndizgi oqý nysany boıynsha joǵary oqý oryndaryna qabyldanǵan, ótken jylǵy mektep jáne kolledj túlekteri, Qazaqstan azamattyǵy joq, biraq ulty qazaq tulǵalar, sondaı-aq mektep bitiretin túlekter joǵary oqý oryndaryna aqyly negizde túsý úshin qatysady.
Talapkerler ótinish berý barysynda olar testileý kúnin, ýaqytyn jáne pýnktin ózderi tańdaıtynyn qosa ketý kerek.
