Kórme qurylysyna otandyq kásiporyndar tartylmaq

О́tken senbi kúni Premer-Mınıstrdiń birinshi orynbasary Baqytjan Saǵyntaev «Astana EKSPO-2017» nysandarynyń qurylysy barysynda shaǵyn jáne orta bıznes kásiporyndaryn tartýǵa qatysty Memleket basshysynyń tapsyrmalaryn oryndaý sheńberinde kóshpeli keńes ótkizdi, dep habarlady Premer-Mınıstrdiń baspasóz qyzmeti. Kórme kesheniniń qurylys alańynda ótken keńeske ortalyq jáne jergilikti mem­lekettik organdardyń, «Asta­na EKSPO-2017» UK» AQ-tyń, «Báı­terek» UBH» AQ-tyń bas­­shylary, qurylys uıym­dary men óńirlik taýar óndi­rý­shilerdiń ókilderi qatysty. Birinshi vıse-premer qu­rylys-montaj ju­mys­tary­nyń barysymen jáne kórme men EKSPO-qalashyǵy nysan­darynyń qurylysy úshin materıaldardy jetkizý jaǵdaıymen tanysty. «Astana EKSPO-2017» ult­tyq kompanııasynyń aqparaty boıynsha, búgingi kúnge qatys­ty kórmeni salýshy bas merdi­ger­ler men Qaraǵandy, Pavlo­dar jáne Soltústik Qazaq­stan oblystarynyń taýar ón­dirýshi kásiporyndary jalpy somasy shamamen 3 mlrd. teńgeni quraıtyn kelisimder bekitken. Onyń syrtynda astanalyq kásiporyndardan somasy ke­minde 50 mlrd.teńge bolatyn taýarlar, jumystar men qyz­met­ter satyp alý jóninde ult­tyq kompanııalar men Astana ákim­digi arasynda ózara ynty­maq­tastyq týraly memorandým bekitildi. Keńes qorytyndysy boıynsha, B.Saǵyntaev EKSPO ny­sandary qurylysyna otan­dyq taýar óndirýshilerdi, sha­ǵyn jáne orta bıznesti tar­týǵa qatysty óńirlermen ju­mys­ty jandandyrý jóninde mem­lekettik organdar men «Astana EKSPO-2017» UK» AQ-qa birqatar  tapsyrmalar berdi.