Foto: Oqý-aǵartý mınıstrligi
Discover List — bul kórermendi shabyttandyryp, túrli trend jasap júrgen, álemniń ár túkpirindegi túrli mazmundaǵy kontent avtorlaryna arnalǵan TikTok jobasy.
Oqý-aǵartý mınıstrligi Botagóz Omarovanyń osy tizimdegi «Oqytýshylar» sanaty boıynsha eńbegi elengenin atap ótti.
Bilim berý salasynda 20 jyldan beri shákirt tárbılep kele jatqan ustaz TikTok-qa 2020 jyly tirkelip, paraqshasyn belsendi júrgize bastaǵan. Búginde paraqshadaǵy jazylýshylar sany 160 myńnan asqan.
Ustazdyń sabaq berý prosesindegi erekshe ádistemeleri aýdıtorııa nazaryn aýdarǵan. Botagóz Omarova qysqa beınerolıkterde til men ádebıetti úırenýdiń kreatıvti joldaryn usynady.
Jeli paıdalanýshylary pedagogten tek sabaqtaǵy erejelerdi úırenip qana qoımaı, sonymen qatar mádenıetti, taza sóıleýge jáne tildiń erekshelikterin ońaı túsinýge bolatynyn jazǵan.
«Men tildi úırený — erejelerdi este saqtaý emes, qyzyqty prosess ekenin kórsetkim keldi», deıdi pedagogtiń ózi.
Ol TikTok-tyń oqytýshylardy qoldaıtyn birqatar jobasynda baq synap, 2023 jyly jeńimpaz atanǵan.
