О́tken jyly halyqtyń bankke salǵan jalpy qarajaty 20,3%-ǵa ósip, 24,5 trln teńgege jetti. Al bankterdiń jalpy aktıvteri 20%-ǵa ulǵaıyp, 62 trln teńgeni qurady.
«Qazaqstandyqtardyń basym bóligi jınaqtaryn teńgemen saqtaıdy – ulttyq valıýtadaǵy depozıtter 23,8%-ǵa artqan. Jalpy depozıttik naryqtyń 20,3%-ǵa ósýine teńgelik salymdar 17,4%, al valıýtalyq salymdar 2,9% úles qosty», — delingen habarlamada.
2024 jyly depozıttik mólsherlemelerdi retteýdiń jańa júıesi engizildi. Buǵan deıin QDKBQ barlyq bank úshin eń joǵary paıyzdyq mólsherlemeni belgilep otyrsa, 2024 jyldyń 1 qańtarynan bastap bul shekteýlerdiń basym bóligi alynyp tastaldy. Bul ózgeris bankterge óz mólsherlemelerin ıkemdi retteýge múmkindik berip, salymshylar úshin básekege qabiletti jańa usynystardyń paıda bolýyna yqpal etti.
Qor málimetinshe, depozıttik naryqtyń negizgi bóligin qarapaıym salymshylar quraıdy – olardyń úlesi jeke tulǵalarǵa tıesili barlyq shottardyń 99,6%-yn qamtıdy.
«Bul salymdar kóbine kúndelikti tutyný men kútpegen shyǵyndarǵa arnalǵandyqtan, táýekelge toly ınvestısııa túrleri bul sanattaǵy salymshylar úshin asa tartymdy emes», – delingen habarlamada.
