Búgin bir top jasóspirimniń arasyndaǵy álimjettik týraly vıdeo áleýmettik jelide tarap, jurttyń qyzý talqysyna tústi.
Alaıda, ShQO polısııa departamentiniń ókilderi vıdeonyń osydan 2 jyl buryn túsirilgenin málim etti.
– Vıdeo 2023 jyly Gerasımovka orta mektebi aýmaǵynda túsirilgen. Sol kezde oqıǵaǵa qatysýshylarmen jáne basqa da oqýshylarmen profılaktıkalyq jumystar júrgizildi. Bul jasóspirimdermen mektep psıhology jeke sóılesti. Qazir olardyń ekeýi 10-synypta oqýyn jalǵastyryp jatyr. Al qalǵandary kolledjder men ýnıversıtetterge oqýǵa túsip ketti, – delingen aqparatta.
