Foto: Vıdeodan alynǵan kadr
Taý shańǵysy kýrortynyń ákimshiliginiń málimetinshe, kóshkin qaýipsizdigi qyzmeti saǵat 9:17-de qar jamylǵysynyń tózimdiligin tekserip, Kombı 2 arqan jolynyń ashylýyn rastaǵan. Barlyq trassadan tys syrǵanaý aımaqtary arnaıy torlarmen qorshalyp, «Kóshkin qaýpi bar», «Jabyq», «О́týge bolmaıdy» degen eskertý belgileri qoıylǵan.
Alaıda, aldyn ala málimet boıynsha, úsh shańǵyshy osy belgilerdi elemeı, qorshaýdan shyǵyp, qaýipti aımaqqa ótip ketken. Nátıjesinde qar kóshkini júrip, qutqarý qyzmeti dereý oqıǵa ornyna jetken. Izdeý sharalary barysynda zardap shekkender men qurbandar joq ekeni anyqtalǵan.
Qazirgi tańda kýrorttyń qaýipsizdik qyzmeti erejeni buzǵan shańǵyshylardy anyqtap, izdeý jumystaryn júrgizip jatyr.
