Foto: Aqorda
Abzal Núkenov 1978 jyly 21 shildede Almaty oblysynda dúnıege kelgen. 2000 jyly ál-Farabı atyndaǵy Qazaq ulttyq ýnıversıtetin bitirgen.
Eńbek jolyn «Otan» Respýblıkalyq saıası partııasy Ortalyq apparaty ıdeologııalyq jumys bóliminiń keńesshisi bolyp bastaǵan.
2006-2009 jyldary Almaty qalasy Áýezov aýdany ákiminiń orynbasary boldy.
Sondaı-aq 2016-2018 jyldary Qazaqstannyń Din isteri jáne azamattyq qoǵam vıse-mınıstri boldy.
2019-2022 jyldar aralyǵynda Qaraǵandy oblysy ákiminiń orynbasary bolyp taǵaıyndalǵan.
Buǵan deıin Qazaqstan Respýblıkasy Prezıdenti Ákimshiliginiń Ishki saıasat bóliminiń meńgerýshisi qyzmetin atqaryp kelgen Aıjan Bolatqyzy Shaınazarova Memleket basshysynyń ókimimen laýazymynan bosatyldy.
Sondaı-aq, Memleket basshysynyń ókimimen Qanat Amangeldiuly Qulshymanov Qazaqstan Respýblıkasy Prezıdenti Ákimshiliginiń Kommýnıkasııalar bóliminiń meńgerýshisi laýazymyna taǵaıyndaldy.
Qanat Qulshymanov L. Gýmılev atyndaǵy EUÝ-dy jýrnalıstıka mamandyǵy boıynsha támamdaǵan. PhD doktory ǵylymı dárejesi bar.
Eńbek jolyn 2007 jyly «Qazaqparat» aqparat agenttiginiń tilshisi bolyp bastady. Ár jyldary Aqtóbe oblysy ákiminiń baspasóz hatshysy, Eńbek jáne halyqty áleýmettik qorǵaý mınıstrliginiń qoǵammen baılanys departamentiniń dırektory, Jambyl oblysynyń ákimi apparaty basshysynyń orynbasary bolyp jumys istedi.
2021 jylǵy maýsymnan 2022 jyldyń sáýirine deıin «QazMunaıGaz» UK» AQ Baspasóz qyzmetiniń basshysy qyzmetin atqardy.
