QOSTANAI. 10 aqpan. Qostanaı men Jitiqara qalasynda ındýstrııalyq aımaq qurylady. Bul týraly egemen.kz tilshisi habarlady.
Jitiqara qalasynda bul úshin ınfraqurylym jumystarynyń 70 paıyzy bitip tur, qalǵan jumystaryn jyl aıaǵyna deıin aıaqtaý josparlanǵan. Al Qostanaı qalasynda ındýstrııalyq aımaq jobasynyń ázirge 400 gektar alańdy alyp jatqan tehnıkalyq-ekonomıkalyq negizi qalandy. Bul jobanyń qurylysy 10.3 mıllıard teńgeni quraıdy, onyń ishinde óndiristik-smetalyq qujattamalary 215 mıllıon teńgeni qurap otyr.
Oblys ákiminiń orynbasary Sergeı Karplıýk: «Qostanaı qalasyndaǵy ındýstrııalyq aımaqty biz kólik-logıstıkalyq ortalyq bolady dep mejelep otyrmyz», dedi. Indýstrııalyq aımaqtar qurý oblysta óndiristi klasterlik negizde damytýǵa, aımaqtyq jalpy ónimdi ulǵaıtýǵa, sonymen qatar jańa jumys oryndaryn qurý esebinen jumyssyzdar qataryn qysqartýǵa múmkindik beretin bolady.
Názıra Járimbetova.
Derek, sýret: egemen.kz.
