Foto: 123rf.com
2025 jylǵy 20 aqpanda Májiliske usynylǵan jańa Salyq kodeksi jobasyna engizilgen túzetýlerge sáıkes, taksı júrgizýshileri úshin salyq júktemesi artpaıdy. Olarǵa QQS jáne basqa da salyqtar salynbaıdy, sondaı-aq jeke tabys salyǵynyń mólsherlemesi nólge teń bolady. Taksı júrgizýshileri tek 4% mólsherindegi biryńǵaı tólemdi tóleıdi. Bul tólemge zeınetaqy jarnalary, áleýmettik aýdarymdar jáne medısınalyq saqtandyrý kiredi.
Jańa júıeniń artyqshylyqtary:
- Taksı júrgizýshilerine jeke kásipker retinde tirkelýdiń qajeti joq;
- Taksı parkteriniń deldalynsyz, ınternet-platforma operatorlarymen (mysaly, Iаndeks jáne t.b.) tikeleı jumys isteýge múmkindik beriledi;
- Salyq júktemesi jeńildeıdi, tek biryńǵaı tólem arqyly mindettemeler oryndalady.
QR Qarjy mınıstrligi Memlekettik kirister komıtetiniń málimetinshe, 2024 jyldyń qorytyndysy boıynsha taksı qyzmeti boıynsha 15 myńǵa jýyq salyq tóleýshi jeńildetilgen deklarasııa rejımin qoldanǵan. Olardyń ishinde tek 924 salyq tóleýshi 15 mln teńgelik shekti somadan asqan. Iаǵnı, QQS tóleý mindettemesi tek iri taksoparkterdiń 6%-na ǵana áser etedi.
Mınıstrlik taksı naryǵyndaǵy tarıfter básekelestikke, suranys pen usynysqa baılanysty qalyptasatynyn atap ótti. Sonymen qatar, ınternet-platforma operatorlary QQS tóleýshi bolyp tabylady, bul da qyzmet qunyna yqpal etedi.
