Shymkentte kútýshi eki sábıdi óltire soqqyǵa jyqqan

ASTANA. 10 aqpan. Shymkentte bala kútýshi eki búldirshindi ólimshi etý háline jetkize sabaǵan. Bul týraly 24KZ arnasy habarlady. Arna tilshisiniń baıandaýynsha, prokýrorlar: «Anasynan amanat etip alǵan sábılerge 33 jastaǵy kelinshek qorlyq kórsetken», - deıdi. Qazir eki búldirshin de aýrýhananyń jansaqtaý bóliminde jatyr. Árekettiń áshkere bolýyna 4 jasar qyzdyń aýyr dene jaraqatymen oblystyq balalar aýrýhanasyna jetkizilýi sebep bolǵan. Muny kóre salyp, dárigerler birden polısııaǵa habar beripti. Pogondylar meken jaıdy anyqtaı kele, taǵy bir 2 jasar sábıdiń soqqyǵa jyǵylyp jatqanyn baıqaǵan. Tártip saqshylary bul náresteni de aýrýhanaǵa jetkizedi. «Bes jasar balanyń jaǵdaıy óte aýyr. О́mirine úlken qaýip tónip tur. Sebebi, koma 3-dárejesinde. Beti áli beri qaraǵan joq. Ekinshi balanyń jalpy jaǵdaıy jaman emes. Ortasha qalypta. Búgingi tańda ol da jansaqtaýda qalady. Erteńderi bólimshege aýystyrýymyz múmkin. Onyń ómirine qaýip joq», - dedi balalar aýrýhanasy bas dárigeriniń orynbasary Bolat Nusqabaev. Búldirshinderdiń ekeýi de basynan aýyr soqqy alǵan. Deneleriniń saý jeri qalmaǵan. Bet-aýzy men aıaq-qoldary kógerip, jaralanǵan tustary da jeterlik. Qazir osyndaı aıaýsyz bopsalaýǵa baılanysty bala kútýshiniń ústinen «qasaqana aýyr dene jaraqattaryn salý» deregi boıynsha qylmystyq is qozǵalyp, abaqtyǵa jabylǵan. «Bul jaǵdaı boıynsha qylmystyq is qozǵalyp, 106-bappen is qozǵalyp, is sharasy júrip jatyr. Gúlchehra degen kelinshek ýaqytsha ustaý oqshaýlaǵyshqa qamalyp, qazir bas sharasy, sanksııasy sheshilýde», - dedi Abaı aýdandyq prokýrorynyń orynbasary Ermek Áıtimov. Quzyrlylardyń aıtýynsha, kúdikti eki búldirshindi shýlap, tynyshyn buzǵan soń sabaǵan. Bir aıta keterligi, bala kútýshiniń óziniń 3 balasy bar eken. «Negizinen, anasy búldirshinderdi ótken aıda, ıaǵnı qańtar aıynda kútýshiniń qaraýyna bergen. О́zi shalǵaı jerde jumys isteıtin, jalǵyzbasty kelinshek 70 myń teńge aqy tólep, sábılerin kútýshiniń úıine tastap ketken. Ul-qyzyn sońǵy márte 27 qańtarda kórgen ananyń qazir ózi de tergelip jatyr. Aıta ketý kerek, bul jyl basynan beri sábılerdiń eresekterden qorlyq kórip, soqqyǵa jyǵylǵan Ońtústik Qazaqstandaǵy osymen ekinshi oqıǵasy bolyp otyr», - dep túıindeıdi telearna tilshisi. Qurysh Nurymbet.