Foto: primeminister.kz (arhıv)
Máselen, byltyrǵy kezeńde 860,3 mlrd teńge somasyna 327 206 kelisimshart jasalǵan bolsa, osy jyldyń 11 naýryzyndaǵy jaǵdaı boıynsha 2 727,6 mlrd teńge somasyna 554 240 kelisimshart jasaldy.
Buǵan qosa reıtıngti-baldyq júıeni paıdalaný arqyly konkýrs jeńimpazdary 5-9 jumys kúni ishinde anyqtalatyn bolǵan. Atalǵan ádis jeńimpazdy anyqtaý prosesine konkýrstyq komıssııanyń qatysýyn qajet etpeıdi. Osy arqyly sybaılas jemqorlyq qateri azaıady.
Mysaly, Astanadaǵy №3 qalalyq aýrýhananyń birneshe ǵımaratyn kúrdeli jóndeýine baılanysty satypalymdy ótkizýge nebári 6 jumys kúni jetkilikti boldy. Kelisimsharttyń somasy – 1,8 mlrd teńge. Merdiger uıym Astanada tirkelgen. Kúrdeli jóndeýge baılanysty joba ınfraqurylymdy jańǵyrtýmen qatar aýrýhanany jańa medısınalyq jabdyqtarmen jaraqtandyrýdy da qamtıdy, jalpy osyndaı mysaldar jetkilikti.
Tutastaı alǵanda, memlekettik satyp alýdy júzege asyrýdyń jańa tártibi konkýrsty ótkizý merzimin qysqartyp, qyzmet kórsetýshilerge satypalymǵa qatysýǵa teńdeı múmkindikter berdi, sondaı-aq jergilikti kompanııalardy qajetti jumyspen qamtamasyz etti.
