Petropavlda turmystyq qaldyqtardy tógetin oryn jetispeıdi

PETROPAVL. 10 aqpan. Petropavl qalasynda qorshaǵan orta men adam aǵzasyna zııandy turmystyq qaldyq zattardy jınaý, óńdeý máselesi ótkir kúıinde qalyp otyr. Bul týraly oblystyq kásipkerler palatasynyń baspasóz qyzmeti habarlady. Kóp jyldan beri aıtylyp kele jatsa da, sheshimin tappaı otyrǵan túıtkildi jaıt kásipkerler palatasynyń talqylaýyna shyǵarylyp, tabıǵat resýrstary jáne tabıǵat baılyqtaryn retteý basqarmasy basshysynyń orynbasary Erlan Ábýǵalıevtyń esebi tyńdaldy. Onyń aıtýynsha, oblys aýmaǵynda 583 turmystyq qaldyq zattaryn saqtaıtyn oryn bar. Alaıda, bulardyń 10-y ǵana barlyq talaptarǵa jaýap bere alady. Qalǵandary jer ýchaskelerine ýaqytsha ornalastyrylǵan. Bir gektar jer telimin rásimdeý 312 myń teńgeni quraıdy. Al qurylys jobalaryn jasaý, saraptamadan ótkizý, ruqsat alý sekildi mindetti sharalarǵa jumsalatyn shyǵyndardy eseptese, kemi 3,5 mıllıon teńgeden aınalady. Sol sebepti turmystyq qaldyqtardy óńdeý jumysymen aınalysýǵa kásipkerler táýekel ete bermeıdi. Jıynda bos jatqan jer ýchaskelerin tegin berý, Úkimet tarapynan qarjylandyrý jaıly usynystar aıtyldy. О́mir Esqalı. Derek: Soltústik Qazaqstan oblystyq kásipkerler palatasynyń baspasóz qyzmeti. Sýret: altaynews.kz.