JI bızneske salyq esebin júrgizýge kómektesedi

Qarjy vıse-mınıstri Áset Turysovtyń deregi boıynsha, qazirgi ýaqytta fıskaldyq organdardyń aqparattyq júıelerine qajetti derekterdi berý úshin Smart Data Finance, SÁAJ jáne Keden salyqtyq aqparattyq júıelerin alty memlekettik organnyń aq­parattyq júıesimen ıntegrasııalaý jalǵasyp jatyr. Jańa Salyq kodeksiniń qoldanysqa engizilýine deıin jańa salyq júıesin engizý boıynsha barlyq testilik jáne basqa da qajetti rásimderdi bitirip úlgerý úshin barlyq ıntegrasııalyq jumysty múmkindiginshe tezirek tııanaqtaý qajet. Keńeste tolyqqan­dy ıntegrasııaǵa kedergi keltiretin barlyq másele qaraldy, onyń qory­tyndysy boıynsha vıse-premer memlekettik organdarǵa barlyq rásimdik máseleni naýryz aıynyń sońyna deıin aıaqtaýdy tapsyrdy.

Smart Data Finance AJ-ny ónerkásiptik paıdalanýǵa berý «e-Tamga» QQS tólem júıesiniń jumysyn bastaý úshin negiz bolady. Bul júıe satyp alýshy men jetkizýshi arasynda, sondaı-aq bıýdjetpen ózara esep aıyrysý kezinde QQS tólemin júrgizýge arnalǵan. Júıedegi QQS boıynsha barlyq tólem tek elektrondyq shot-faktýra negizinde júrgizildi. Bul QQS tóleýden jaltarýdy boldyrmaıdy. Osy júıeniń arqasynda QQS qaıtarý qazirgideı 150 kún emes, 15 kún ishinde júzege asyrylady. Sondaı-aq ol adal bıznesti josyqsyz táýekeldi kompanııalardan qorǵaýǵa múmkindik beredi.

Buǵan qosa, Salyqtyq ákimshi­len­dirýdiń ıntegrasııalanǵan júıesiniń (SÁAJ) AJ bazasynda Qarjy mınıstrligi SDIAО́M-men birlesip salyq tóleýshilerge qyzmet kórsetýdiń proaktıvti servıstik modelin qurady. SÁAJ-daǵy salyq tóleýshiniń jeke kabıneti salyq tóleýshilerge qyzmetterdi alýǵa jáne eseptilikti qashyqtan tapsyrýǵa, deklarasııalardy kezeń-kezeńimen, anyqtamalarmen jáne derekterdi tekserýmen toltyrý­ǵa múmkindik beredi. Júıe ekijaq­ty baılanysty qamtamasyz etedi: memlekettik kiris organynyń habarlamasyna jaýap berýge jáne salyq organyna barmaı-aq qujattardy júkteýge bolady.

Qazirde toqsanda aıaqtalýy josparlanǵan SÁAJ modýlderin kezeń-kezeńimen kóbeıtý júrip jatyr. Bolashaqta qyzmet kórsetý modeli biryńǵaı salyq kómekshisin ázirleý úshin jasandy ıntellekt kómegimen jetildiriledi. Vırtýaldy salyq kómekshisi bıznesti ashýdan bastap jabýǵa deıin salyqtyq qoldaýdy qamtamasyz etip, árbir salyq tóleýshige deklarasııany aldyn ala toltyrýǵa, qolaıly salyq rejimin tańdaý boıynsha usynys berýge, deklarasııa tapsyrý men sa­lyq tóleý merzimi týraly habarlaýǵa kómektesedi.

Sonymen qatar tutynýshynyń árbir satyp alý úshin fıskaldyq chekterdi talap etýge qatysty óz quqyǵy týraly habardar bolýyn jaqsartý úshin osy kóktemde Qarjy mınıstrligi Salyq keshbek jobasyn qaıta bastaýdy josparlap otyr. О́tken jyly Salyq keshbek qanat­qaq­­ty turǵyda Semeı qalasy men Aqkól aýdanynda synaqtan ótkizildi. Onyń kómegimen satyp alýshylar fıskaldyq chek berý kezinde satyp alý somasynyń 2%-yn aldy. Qanat­qaqty jobanyń 5 aıynda chekter sany 22%-ǵa, al taýarlar men qyzmet­ter­diń jalpy quny 132%-ǵa ósti. 75 mln teńge keshbek esepteldi. Áset Turysov­tyń habarlaýynsha, 2025 jyl­­ǵy 15 naýryzdan bastap bul jo­ba­ny О́skemen (ShQO), Jetiqara (Qos­tanaı oblysy) jáne Jaqsy aýda­ny­na (Aqmola oblysy) keńeıte oty­ryp, qaıta bastaý josparlanyp otyr.